അധികാരികൾ കൈമലർത്തി, നാട്ടുകാർ ഒത്തുചേർന്ന് പ്രളയത്തിൽ തകർന്ന കൊക്കയാർ പാലം പുനർനിർമ്മിച്ചു.. ബസ്സ് സർവീസും തുടങ്ങി

കൊ​ക്ക​യാ​ർ: മഹാപ്ര​ള​യം പാലം തകർത്തതോടെ നൂറുദിവസത്തോളം ഒറ്റപ്പെട്ടുപോയ പ്രദേശവാസികൾക്ക് ഇൻ ആശ്വസിക്കാം .
പ്രളയം ത​ക​ർത്ത കൊ​ക്ക​യാർ പാ​ല​ത്തി​നു പ​ക​രം നാ​ട്ടു​കാർ കൈ​കോ​ർത്തു നിർ​മി​ച്ച ജനകീയ പാ​ലം പൊ​തു​ജ​ന​ങ്ങ​ൾ​ക്കാ​യി തു​റ​ന്നു കൊ​ടുത്തു. താൽകാലികമായി നിർമ്മിച്ച പാലത്തിലൂടെ ബസ് സർവീസും പുനരാരംഭിച്ചു.

കൊക്കയാർ പഞ്ചായത്തോഫീസിനു സമീപം കൊക്കയാർ വെംബ്ലി റോഡിൽ തകർന്നു പോയ പാലത്തിനു പകരമാണ് നാട്ടുകാർ ജനകീയ സമിതി രൂപീകരിച്ചു പണം സമാഹരിച്ചു പാലം നിർമ്മിച്ചത്.’ 5 ലക്ഷത്തോളം രൂപ ചിലവഴിച്ചാണ് നിർമ്മാണം പൂർത്തീകരിച്ചത്.

ഒ​ക്ടോ​ബ​റി​ലു​ണ്ടാ​യ പ്ര​ള​യ​ത്തി​ലാ​ണ് കൊ​ക്ക​യാ​ർ പാ​ലം ഒ​ലി​ച്ചു​പോ​യ​ത്. ഇ​തോ​ടെ കു​റ്റി​പ്ല​ങ്ങാ​ട്, വെം​ബ്ലി, മേ​ലോ​രം അ​ട​ക്ക​മു​ള്ള പ്ര​ദേ​ശ​ങ്ങ​ളി​ലെ ആ​യി​ര​ക്ക​ണ​ക്കി​നു കു​ടും​ബ​ങ്ങ​ളു​ടെ യാ​ത്രാ​മാ​ർ​ഗം ഇ​ല്ലാ​തെ​യാ​യി​രു​ന്നു. വാ​ഹ​ന ഗ​താ​ഗ​തം പൂ​ർ​ണ​മാ​യും നി​ല​ച്ച​തോ​ടെ കി​ലോ​മീ​റ്റ​റു​ക​ളോ​ളം അ​ധി​കം സ​ഞ്ച​രി​ച്ചും കാ​ൽ​ന​ട​യാ​യും ആ​ളു​ക​ൾ​ക്ക് മു​ണ്ട​ക്ക​യം അ​ട​ക്ക​മു​ള്ള പ്ര​ദേ​ശ​ങ്ങ​ളി​ലേ​ക്ക് എ​ത്തേ​ണ്ട ഗ​തി​കേ​ടി​ലാ​യി​രു​ന്നു.

ആയിരങ്ങൾ പാലമില്ലാതെ ബുദ്ധിമുട്ടിയിട്ടും, സർക്കാർ നടപടി ഉണ്ടാകാതിരുന്നതോടെയാണ് നാട് ഒന്നിച്ചത്. താത്കാലികമായി ബെയ്ലി പാലം നിർമ്മിക്കാൻ പോലും നടപടി ഉണ്ടായില്ല. ഇ​തോ​ടെ​യാ​ണ് ജ​ന​കീ​യ​സ​മി​തി​യു​ടെ നേ​തൃ​ത്വ​ത്തി​ൽ താ​ത്കാ​ലി​ക പാ​ലം നി​ർ​മി​ക്കാ​മെ​ന്ന ആ​ശ​യം ഉ​ണ്ടാ​യ​ത്. ആ​ദ്യം ചെ​റു വാ​ഹ​ന​ങ്ങ​ൾ​ക്കു ക​ട​ന്നു​പോ​കാ​വു​ന്ന രീ​തി​യി​ലു​ള്ള പാ​ലം നി​ർ​മാ​ണ​മാ​ണ് ആ​രം​ഭി​ച്ച​ത്. പി​ന്നീ​ട് ബ​സ് അ​ട​ക്കം പൊ​തു​ഗ​താ​ഗ​തം സാ​ധ്യ​മാ​കു​ന്ന രീ​തി​യി​ലു​ള്ള പാ​ലം സാ​ധ്യ​മാ​ക്കു​ക​യാ​യി​രു​ന്നു. അ​ഞ്ചു ല​ക്ഷം രൂ​പ​യാ​ണ് ഇ​തി​നാ​യി ചെ​ല​വി​ട്ട​ത്.

റി​പ്പ​ബ്ലി​ക് ദി​ന​ത്തി​ൽ പാ​ലം പൊ​തു​ജ​ന​ങ്ങ​ൾ​ക്കാ​യി തു​റ​ന്നു കൊ​ടു​ത്തു. കൊ​ക്ക​യാ​ർ പ​ഞ്ചാ​യ​ത്ത് പ്ര​സി​ഡ​ന്‍റ് പ്രി​യ മോ​ഹ​ന​ന്‍റെ അ​ധ്യ​ക്ഷ​ത​യി​ൽ ഇ​ടു​ക്കി ജി​ല്ലാ പ​ഞ്ചാ​യ​ത്തം​ഗം കെ.​ടി. ബി​നു ജ​ന​കീ​യ പാ​ല​ത്തി​ന്‍റെ ഉ​ദ്ഘാ​ട​നം നി​ർ​വ​ഹി​ച്ചു.