മു​ണ്ട​ക്ക​യം: കൊ​ല്ലം-​തേ​നി ദേ​ശീ​യ​പാ​ത​യി​ൽ മു​ണ്ട​ക്ക​യ​ത്തി​നും കാ​ഞ്ഞി​ര​പ്പ​ള്ളി​ക്കു​മി​ട​യി​ൽ വാ​ഹ​നാ​പ​ക​ട​ങ്ങ​ൾ പ​തി​വാ​കു​ന്നു. ക​ഴി​ഞ്ഞ 15 ദി​വ​സ​ത്തി​നി​ടെ ചെ​റു​തും വ​ലു​തു​മാ​യ ഇ​രു​പ​തോ​ളം അ​പ​ക​ട​ങ്ങ​ളാ​ണു പ്ര​ദേ​ശ​ത്ത് ഉ​ണ്ടാ​യി​ട്ടു​ള്ള​ത്. ഇ​തി​ൽ രണ്ടു​പേ​ർ മ​രി​ക്കു​ക​യും പ​തി​നാ​റോ​ളം പേ​ർ​ക്ക് സാ​ര​മാ​യി പ​രി​ക്കേ​ൽ​ക്കു​ക​യും ചെ​യ്തു. 

വാ​ഹ​ന​ങ്ങ​ളു​ടെ അ​മി​ത​വേ​ഗ​വും പാ​ത​യി​ൽ വാ​ഹ​ന​ങ്ങ​ളു​ടെ എ​ണ്ണം ക്ര​മാ​തീ​ത​മാ​യി വ​ർ​ധി​ച്ച​തു​മാ​ണ് അ​പ​ക​ട​ങ്ങ​ൾ​ക്കു കാ​ര​ണ​മാ​യി പ​റ​യു​ന്ന​ത്. ചോറ്റി നി​ർ​മ​ലാ​രം ജം​ഗ്ഷ​ന് സ​മീ​പം ലോ​റി​യും ബൈ​ക്കും കൂ​ട്ടി​യി​ടി​ച്ച് മു​ക്കു​ളം സ്വ​ദേ​ശി​യാ​യ യു​വാ​വ് മ​ര​ണ​മ​ട​ഞ്ഞി​രു​ന്നു. തെ​റ്റാ​യ ദി​ശ​യി​ൽ അ​മി​ത​വേ​ഗ​ത്തി​ൽ എ​ത്തി​യ​ ലോ​റിയാ​ണ് അ​പ​ക​ട​ത്തി​നു കാ​ര​ണ​മാ​യ​ത്. പൈ​ങ്ങ​നാ​യ്ക്കു സ​മീ​പം ബൈ​ക്കി​ടി​ച്ച് ലോ​ട്ട​റി വി​ൽ​പ്പ​ന​ക്കാ​ര​ൻ മ​രി​ച്ച​തും അ​ടു​ത്തി​ടെ​യാ​ണ്. പു​ഞ്ച​വ​യ​ൽ സ്വ​ദേ​ശി വ​ർ​ഗീ​സാ​ണ് മ​ര​ണ​മ​ട​ഞ്ഞ​ത്. പാ​ത​യോ​ര​ത്തു​കൂ​ടി ന​ട​ന്നു പോ​വു​ക​യാ​യി​രു​ന്ന ഇ​ദ്ദേ​ഹ​ത്തെ ബൈ​ക്ക് ഇ​ടി​ച്ചു​തെ​റി​പ്പി​ക്കു​ക​യാ​യി​രു​ന്നു. 

ഒ​രാ​ഴ്ച​യ്ക്കു​ള്ളി​ൽ 
ഏ​ഴു പേ​ർ​ക്കു പ​രി​ക്ക്

ചി​റ്റ​ടി ടൗ​ണി​ന് സ​മീ​പ​മു​ള്ള വ​ള​വി​ൽ തു​ട​ർ​ച്ച​യാ​യു​ണ്ടാ​യ ര​ണ്ട് അ​പ​ക​ട​ങ്ങ​ളി​ൽ ര​ണ്ടു പേ​ർ​ക്കാ​ണ് ഗു​രു​ത​ര​മാ​യി പ​രി​ക്കേ​റ്റ​ത്. ആ​ദ്യ​ത്തെ അ​പ​ക​ട​ത്തി​ൽ റോ​ഡി​ലൂ​ടെ ന​ട​ന്നു​പോ​യ മു​പ്പ​ത്തൊ​ന്നാം​മൈ​ൽ സ്വ​ദേ​ശി​യാ​യ യു​വാ​വി​നെ അ​മി​ത​വേ​ഗ​ത്തി​ലെ​ത്തി​യ വാ​ഹ​നം ഇ​ടി​ച്ചു തെ​റി​പ്പി​ക്കു​ക​യാ​യി​രു​ന്നു. ഗു​രു​ത​ര​മാ​യി പ​രി​ക്കേ​റ്റ ഇ​യാ​ൾ ഇ​പ്പോ​ഴും സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. ബ​സി​ൽ ക​യ​റു​ന്ന​തി​നി​ടെ വാ​ഹ​നം മു​ന്നോ​ട്ടെ​ടു​ത്ത​തി​നെ​ത്തു​ട​ർ​ന്നു ബ​സി​ന്‍റെ പി​ൻ​ച​ക്രം ക​യ​റി​യി​റ​ങ്ങി വീ​ട്ട​മ്മ​യ്ക്കു ഗു​രു​ത​ര​മാ​യി പ​രി​ക്കേ​റ്റ​താ​ണ് ര​ണ്ടാ​മ​ത്തെ അ​പ​ക​ടം. ഇ​വ​രും സ്വ​കാ​ര്യ ആ​ശു​പ​ത്രി​യി​ൽ ചി​കി​ത്സ​യി​ലാ​ണ്. അ​പ​ക​ട​ത്തി​ൽ​പ്പെ​ട്ട വീ​ട്ട​മ്മ​യു​മാ​യി പോ​യ ഓ​ട്ടോ​റി​ക്ഷ പാ​റ​ത്തോ​ടി​നു സ​മീ​പം മറിഞ്ഞും ര​ണ്ടു പേ​ർ​ക്കു പ​രി​ക്കേ​റ്റി​രു​ന്നു. 

കാ​ഞ്ഞി​ര​പ്പ​ള്ളി പൂ​ത​ക്കു​ഴി​ക്കു സ​മീ​പ​വും മു​ണ്ട​ക്ക​യം പൈ​ങ്ങ​നാ​യ്ക്കു സ​മീ​പ​വും വ്യ​ത്യ​സ്ത അ​പ​ക​ട​ങ്ങ​ളി​ൽ പി​ക്ക​പ്പ് വാ​നും ബൈ​ക്കും കൂ​ട്ടി​യി​ടി​ച്ചും മു​പ്പ​ത്തൊ​ന്നാം​മൈ​ലി​ൽ ബ​സി​നു പു​റ​കി​ൽ ജീ​പ്പി​ടി​ച്ചും യാ​ത്ര​ക്കാ​ർ​ക്കു പ​രി​ക്കേ​റ്റി​രു​ന്നു.

മ​ത്സ​ര​യോ​ട്ടം 
പു​ന​രാ​രം​ഭി​ച്ച് ബ​സു​ക​ൾ

കാ​ഞ്ഞി​ര​പ്പ​ള്ളി-​മു​ണ്ട​ക്ക​യം റൂ​ട്ടി​ൽ ഒ​രു​കാ​ല​ത്ത് പ​തി​വാ​യി​രു​ന്ന ബ​സു​ക​ളു​ടെ മ​ത്സ​ര​യോ​ട്ട​വും വീണ്ടും പു​ന​രാ​രം​ഭി​ച്ചി​ട്ടു​ണ്ട്. കോ​വി​ഡ് കാ​ല​ത്ത് യാ​ത്ര​ക്കാ​രു​ടെ എ​ണ്ണം കു​റ​ഞ്ഞ​തി​നെ​ത്തു​ട​ർ​ന്ന് മിക്ക സ്വ​കാ​ര്യ​ബ​സു​ക​ളും സ​ർ​വീ​സ് താ​ത്കാ​ലി​ക​മാ​യി നി​ർ​ത്തി​യ​തി​നാ​ൽ മ​ത്സ​ര​ഓ​ട്ടം നി​ല​ച്ചി​രു​ന്നു. എ​ന്നാ​ൽ, നി​യ​ന്ത്ര​ണ​ങ്ങ​ൾ ഒ​ഴി​വാ​യി നി​ര​ത്തു​ക​ൾ സ​ജീ​വ​മാ​യ​തോ​ടെ ഇ​പ്പോ​ൾ ബ​സു​ക​ളു​ടെ മ​ത്സ​ര​ഓട്ടം പ​തി​വാ​ണ്. 

വാ​ഹ​ന​ങ്ങ​ളു​ടെ എ​ണ്ണം ക്ര​മാ​തീ​ത​മാ​യി വ​ർ​ധി​ച്ചെ​ങ്കി​ലും ദേ​ശീ​യ​പാ​ത​യി​ൽ മ​തി​യാ​യ സൗ​ക​ര്യ​ങ്ങ​ൾ വ​ർ​ധി​പ്പി​ക്കാ​ത്ത​തും അ​പ​ക​ട​ങ്ങ​ൾ​ക്കു കാ​ര​ണ​മാ​കു​ന്നു​ണ്ട്. മു​ണ്ട​ക്ക​യ​ത്തി​നും കാ​ഞ്ഞി​ര​പ്പ​ള്ളി​ക്കു​മി​ട​യി​ൽ എ​ട്ടോ​ളം അ​പ​ക​ട വ​ള​വു​ക​ളാ​ണു​ള്ള​ത്. ഇ​വ നി​വ​ർ​ത്തു​ന്ന​തി​നും അ​പ​ക​ട​ങ്ങ​ൾ കു​റ​യ്ക്കു​ന്ന​തി​നും അ​ധി​കാ​രി​ക​ളും ത​യാ​റാ​കു​ന്നി​ല്ലെ​ന്ന് ആ​ക്ഷേ​പ​മു​ണ്ട്. വാ​ഹ​ന​ങ്ങ​ളു​ടെ അ​മി​ത​വേ​ഗം നി​യ​ന്ത്രി​ക്കു​വാ​ൻ വാ​ഹ​ന​പ​രി​ശോ​ധ​ന അ​ട​ക്ക​മു​ള്ള സം​വി​ധാ​ന​ങ്ങ​ൾ കാ​ര്യ​ക്ഷ​മ​മാ​ക്ക​ണ​മെ​ന്ന ആ​വ​ശ്യ​വും ശ​ക്ത​മാ​കു​ന്നു​ണ്ട്.