മു​ക്കൂ​ട്ടു​ത​റ: ദി​വ​സ​വും പാ​ൽ ന​ൽ​കു​ന്ന ആ​കെ​യു​ള്ള പ​ശു​വി​ന് പേവി​ഷബാ​ധ​യു​ണ്ടെ​ന്ന​റി​ഞ്ഞ് നി​വൃ​ത്തി​യി​ല്ലാ​തെ അ​തി​നെ കൊ​ല്ലേ​ണ്ടി വ​ന്ന​തി​ന്‍റെ ഹൃ​ദ​യ​വേ​ദ​ന​യി​ലാ​ണ് എ​രു​മേ​ലി​ക്ക്അ​ടു​ത്തു​ള്ള ഒ​രു ക്ഷീ​ര ക​ർ​ഷ​ക​ൻ. പേ​വി​ഷബാ​ധ ഉ​ണ്ടെ​ന്നു​ള്ള​ത് അ​റി​യാ​തെ ​പ​ശു​വി​ന്‍റെ പാ​ൽ കുടിച്ച പ്ര​ദേ​ശ​ത്തെ നാ​ട്ടു​കാ​രി​ൽ പ​ല​രു​ടെ​യും അ​വ​സ്ഥ​യാ​ക​ട്ടെ അ​തി​ലേ​റെ സ​ങ്ക​ട​ക​ര​വും. 
ഒ​രു തെ​രു​വുനാ​യ മൂ​ലം പേവി​ഷ​ബാ​ധ​യു​ടെ ഭീ​തി പ​ര​ന്നി​രി​ക്കു​ക​യാ​ണ് എ​രു​മേ​ലി പ​ഞ്ചാ​യ​ത്തി​ന്‍റെ അ​തി​ർ​ത്തി ഗ്രാ​മ​മാ​യ വെ​ച്ചൂ​ച്ചി​റ​യി​ലെ കു​ള​മാം​കു​ഴി​യി​ൽ. ക​ഴി​ഞ്ഞ ദി​വ​സ​മാ​ണ് സം​ഭ​വം. പ​ര​ന്പ​രാ​ഗ​ത ക്ഷീ​ര ക​ർ​ഷ​ക​നാ​യ ചെ​ങ്ങ​ഞ്ചേ​രി​ൽ അ​പ്പ​ച്ച​ൻകു​ട്ടി​യു​ടെ പ​ശു​വാ​ണ് പേ ​വി​ഷ ബാ​ധ​യേ​റ്റ​ത്. തെ​രു​വുനാ​യ പ​ശു​വി​നെ ആ​ക്ര​മി​ച്ചി​രു​ന്നു. മു​റി​വേ​റ്റ പ​ശു തൊ​ഴു​ത്തി​ൽ അ​സാ​ധാ​ര​ണ​മാ​യ ശ​ബ്ദ​വും പ​രാ​ക്ര​മ​വും കാ​ട്ടു​ന്ന​തു ക​ണ്ട് വെ​റ്റ​റി​ന​റി ഡോ​ക്ട​റെകൊ​ണ്ട് പ​രി​ശോ​ധി​പ്പിച്ച​പ്പോ​ഴാ​ണ് പേവി​ഷബാ​ധ​യു​ണ്ടെ​ന്ന് വ്യ​ക്ത​മാ​യ​ത്. ഇ​തോ​ടെ ഡോ​ക്ട​റു​ടെ നി​ർ​ദേ​ശ​പ്ര​കാ​രം പ​ശു​വി​നെ കൊ​ല്ലേ​ണ്ടിവ​ന്നു. കു​ത്തി​വ​യ്പ് ന​ൽ​കി​യാ​ണ് പ​ശു​വി​നെ കൊ​ന്ന​ത്. സു​ര​ക്ഷാ മു​ൻ​ക​രു​ത​ൽ ഉ​റ​പ്പാ​ക്കി ജ​ഡം മ​റ​വുചെ​യ്തു. 
പ​ശു​വി​ന്‍റെ പാ​ൽ വാ​ങ്ങി കുടിച്ച​വ​രോ​ട് അ​ടി​യ​ന്തര പ്ര​തി​രോ​ധ ചി​കി​ത്സ തേ​ടാ​ൻ ആ​രോ​ഗ്യ വ​കു​പ്പ് ഉ​ദ്യോ​ഗ​സ്ഥ​ർ നി​ർ​ദേ​ശം ന​ൽ​കി. പാ​ൽ തി​ള​പ്പി​ച്ച് ഉ​പ​യോ​ഗി​ച്ച​വ​ർ​ക്ക് ആ​രോ​ഗ്യപ്ര​ശ്ന​ങ്ങ​ളു​ണ്ടാ​കി​ല്ലെ​ന്നും എ​ന്നാ​ൽ ഈ ​പാ​ൽ കൊ​ണ്ട് മോ​ര്, തൈ​ര് എ​ന്നി​വ ഉ​പ​യോ​ഗി​ച്ച​വ​ർ ശ​രി​യാ​യ പ്ര​തി​രോ​ധചി​കി​ത്സ സ്വീ​ക​രി​ക്ക​ണ​മെ​ന്നു​മാ​ണ് നി​ർ​ദേ​ശി​ച്ച​ത്. പ​ശു​വി​നെ ആ​ക്ര​മി​ച്ച തെ​രു​വുനാ​യ​യ്ക്ക് പേവി​ഷ​മു​ണ്ടെ​ന്നു​ള്ള​തി​നാ​ൽ ജാ​ഗ്ര​ത പാ​ലി​ക്ക​ണ​മെ​ന്നും ​നാ​യ​യെ ക​ണ്ടെ​ത്തി പി​ടി​കൂ​ട​ണ​മെ​ന്നും പ​ഞ്ചാ​യ​ത്ത്, ആ​രോ​ഗ്യവ​കു​പ്പ് അ​ധി​കൃ​ത​ർ അ​റി​യി​പ്പ് ന​ൽ​കി​യി​ട്ടു​ണ്ട്. എ​ന്നാ​ൽ നാ​യ​യെ ക​ണ്ടെ​ത്താ​ൻ ക​ഴി​ഞ്ഞി​ട്ടി​ല്ല. 
പ്ര​ദേ​ശ​ത്ത് തെ​രു​വുനാ​യ്ക്കളു​ടെ എ​ണ്ണം വ​ർ​ധി​ക്കു​ക​യാ​ണ്. ഒ​പ്പം നാ​ട്ടു​കാ​ർ​ക്ക് ക​ടി​യേ​ൽ​ക്കു​ന്ന സം​ഭ​വ​ങ്ങ​ളും പ​തി​വാ​യി​മാ​റി​യി​രി​ക്കു​ന്നു. എ​രു​മേ​ലി​യു​ടെ കി​ഴ​ക്ക​ൻ മേ​ഖ​ല​യി​ൽ ഒ​ട്ടേ​റെപ്പേ​രെ തെ​രു​വുനാ​യ ക​ടി​ച്ചു. പ​ല​രും നാ​ട്ടി​ലെ വ​ള​ർ​ത്തു​നാ​യ്ക്ക​ൾ​ക്ക് പ്ര​തി​രോ​ധ കു​ത്തി​വ​യ്പ് ന​ൽ​കി​ക്കൊ​ണ്ടി​രി​ക്കു​ക​യാ​ണ്. 
തെ​രു​വുനാ​യ നി​യ​ന്ത്ര​ണ പ​രി​പാ​ടി​ക​ൾ സ​മ​ഗ്ര​മാ​യി ന​ട​പ്പി​ലാ​ക്കാ​തെ പ്ര​ശ്ന​പ​രി​ഹാ​ര​മാ​കി​ല്ല. അ​തി​നാ​യു​ള്ള ഫ​ല​പ്ര​ദ​മാ​യ ന​ട​പ​ടി​ക​ൾ ഉൗ​ർ​ജി​ത​മാ​യി അ​ധി​കൃ​ത​ർ സ്വീ​ക​രി​ക്ക​ണ​മെ​ന്ന ആ​വ​ശ്യം ശ​ക്ത​മാ​യി​രി​ക്കു​ക​യാ​ണ്.