കാലിത്തീറ്റ വിതരണം
ചെറുവള്ളി: ചിറക്കടവ് ഗ്രാമപ്പഞ്ചായത്തിന്റെ വാർഷിക പദ്ധതിയിൽ ഉൾപ്പെട്ട ക്ഷീരകർഷകർക്ക് ചെറുവള്ളി ക്ഷീരസംഘത്തിൽ കാലിത്തീറ്റ വിതരണം ചെയ്തു. പഞ്ചായത്ത് പ്രസിഡന്റ് അഡ്വ. സി.ആർ.ശ്രീകുമാർ ഉദ്ഘാടനം ചെയ്തു. വൈസ് പ്രസിഡന്റ് സതി സുരേന്ദ്രൻ അധ്യക്ഷത വഹിച്ചു. ക്ഷീരവികസന ഓഫീസർ ടി.എസ്.ഷിഹാബുദീൻ പദ്ധതി വിശദീകരണം നടത്തി. ബ്ലോക്ക് പഞ്ചായത്തംഗം ഷാജി പാമ്പൂരി, പഞ്ചായത്തംഗം ഗോപി പാറാംതോട്, തോമസ് പി.ഫിലിപ്പ്, മധുസൂദനൻ നായർ, ലിബീഷ് മാത്യു എന്നിവർ പ്രസംഗിച്ചു.