ജില്ലാ അത്‌ലറ്റിക്സ് : കാഞ്ഞിരപ്പള്ളി സെന്റ് ഡൊമിനിക്‌സ് കോളേജ് പുരുഷ വിഭാഗം ചാമ്പ്യന്മാർ
കാഞ്ഞിരപ്പള്ളി : പാലായിൽ നടന്ന 63 -മത് ജില്ലാ അത്‌ലറ്റിക്സ് ചാമ്പ്യഷിപ്പിൽ കാഞ്ഞിരപ്പള്ളി സെന്റ് ഡൊമിനിക്‌സ് കോളേജ്, പുരുഷ, ബോയ്സ് -20 വിഭാഗത്തിൽ ചാമ്പ്യന്മാരായി.
പുരുഷ വിഭാഗത്തിൽ 7 സ്വർണ്ണം ,11 വെള്ളി ,4 വെങ്കലവും നേടി 126 പോയി പോയിന്റും, ബോയ്സ് അണ്ടർ -20 വിഭാഗത്തിൽ 9 സ്വർണ്ണവും ,8 വെള്ളിയും 6 വെങ്കലവും ഉൾപ്പടെ 135 പോയിന്റ് നേടിയാണ് ചാമ്പ്യൻഷിപ്പ് നിലനിർത്തിയത്.
മലപ്പുറത്തു നടക്കുന്ന സംസ്ഥാന ജൂനിയർ, സീനിയർ മത്സരത്തിനുള്ള കോട്ടയം ജില്ലാ ടീമിലേക്കു കോളേജിൽ നിന്നും 16 പേർ യോഗ്യത നേടി . കോളേജിന് വേണ്ടി അതുൽ കെ പ്രദീപ് , അബിൻ വിൻസെന്റ് ,അലെൻ സെബാസ്റ്റ്യൻ, മനൂപ് എം എന്നിവർ ഇരട്ട സ്വർണം നേടി. 800 മീറ്ററിൽ അബിൻ വിൻസെന്റ് പുതിയ റെക്കോർഡും നേടുകയുണ്ടായി. സംസ്ഥാന സ്പോർട്സ് കൗൺസിൽ സഹായത്തോടെ കോളേജിൽ പ്രവർത്തിക്കുന്ന അത്‌ലറ്റിക്സ് അക്കാഡമിയിൽ പരിശീലനം നേടുന്നവരാണ് നേട്ടത്തിന് പിന്നിൽ .കോളേജിൽ നിന്നും 27 കായികതാരങ്ങൾ ഈ ചാമ്പ്യൻഷിപ്പിൽ പങ്കെടുത്തു.
കോവിഡ് നിയന്ത്രണങ്ങൾക്കിടയിലും ചുരുങ്ങിയ സമയത്തെ പരിശീലനം കൊണ്ടാണ് ഈ അഭിമാനകരമായ നേട്ടം കൈവരിക്കാൻ കോളേജ് ടീമിന് സാധിച്ചത്. സ്പോർട്സ് കൗൺസിൽ പരിശീലകനായ ശ്രീ. ബൈജു ജോസഫ് അണ് ടീമിന്റെ പരിശീലകൻ. മികച്ച വിജയം നേടിയ കായിക താരങ്ങൾ,നേട്ടത്തിന് പിന്നിൽ പ്രവർത്തിച്ച അദ്ധ്യാപകൻ ,പരിശീലകൻ എന്നിവരെ പ്രിൻസിപ്പൽ ,മാനേജ്മെൻറ് ,പി റ്റി എ എന്നിവർ അഭിനന്ദിച്ചു.