കാഞ്ഞിരപ്പള്ളി ബൈപ്പാസ് നിർമ്മാണത്തിലെ അനാസ്ഥയിൽ പ്രതിഷേധിച്ച് എ ഐ യു ഡബ്ല്യു സി റീത്ത് സമർപ്പണം നടത്തുന്നു .

കാഞ്ഞിരപ്പള്ളിയിലെ ഗതാഗത തടസ്സത്തിന് പരിഹാരമായി നിർമ്മിക്കാൻ പദ്ധതിയിട്ട നിർദ്ദിഷ്ട ബൈപ്പാസ് റോഡിന്റെ നിർമ്മാണം ആരംഭിക്കാത്തതിലും, , പദ്ധതി കടലാസിൽ മാത്രം 10 വർഷക്കാലമായി ഒതുങ്ങുന്നുവെന്നു ആരോപിച്ചും, കാഞ്ഞിരപ്പള്ളി എംഎൽഎയുടെ അനാസ്ഥയോടുള്ള പ്രതിഷേധ സൂചകമായി, ബൈപാസ് റോഡ് തുടങ്ങേണ്ട നിർദിഷ്ട കുരിശിങ്കൽ പഞ്ചായത്ത് വളവിൽ അസംഘടിത തൊഴിലാളി കോൺഗ്രസ് (എ ഐ യു ഡബ്ല്യു സി) മണ്ഡലം കമ്മിറ്റിയുടെ നേതൃത്വത്തിൽ ശനിയാഴ്ച രാവിലെ 9 .30ന് മണ്ഡലം പ്രസിഡന്റ് അൻവർഷാ കോനാട്ട് പറമ്പിലിന്റെ അധ്യക്ഷതയിൽ ചേരുന്ന സമ്മേളനത്തിൽ പ്രതീകാത്മകമായ പ്രതിഷേധ സമരത്തിന്റെ ഭാഗമായി സംസ്ഥാന ജനറൽ സെക്രട്ടറി സുനിൽ തേനംമാക്കൽ റീത്ത് സമർപ്പിക്കും.