പിസി ജോർജ്ജ് എംഎൽഎ കോവിഡ് വാക്സിൻ സ്വീകരിച്ചു. കോവിഡ് മഹാമാരിയെ കീഴടക്കുവാൻ എല്ലാവരും കോവിഡ് വാക്സിൻ സ്വീകരിക്കണമെന്ന് അദ്ദേഹം ആഹ്വാനം ചെയ്തു.
എരുമേലി : പിസി ജോർജ്ജ് എംഎൽഎ എരുമേലി സാമൂഹ്യരോഗ്യ കേന്ദ്രത്തിൽ എത്തി കോവിഡ് വാക്സിൻ സ്വീകരിച്ചു. ഭാര്യ ഉഷ ജോർജ്ജിനോപ്പമെത്തിയായിരുന്നു വാക്സിൻ സ്വീകരിച്ചത്. അദ്ദേഹത്തിന്റെ പി.എ ബെന്നി ജോസഫ്, ഡ്രൈവർ സജികുമാർ തുടങ്ങിയവരും എംഎൽഎയ്ക്കൊപ്പം കോവിഡ് വാക്സിൻ സ്വീകരിച്ചു.
യാതൊരു പാർശ്വഫലങ്ങളുമില്ലാത്ത വളരെ ഫലപ്രദമായ വാക്‌സിനാണിതെന്നും കോവിഡ് മഹാമാരിയെ ചെറുത്ത് തോൽപ്പിക്കുവാൻ എല്ലാവരും ആരോഗ്യ പ്രവർത്തകരുമായി സഹകരിച്ച് വാക്സിൻ സ്വീകരിക്കുകയും മഹാമാരിയെ ചെറുക്കാനുള്ള യജ്ഞത്തിൽ പങ്കാളികളാവുകയും വേണമെന്നും അദ്ദേഹം അഭ്യർത്ഥിച്ചു.