ജാമ്യത്തിലിറങ്ങി മുങ്ങിയ കൊലക്കേസ് പ്രതി പിടിയിൽ
പൊൻകുന്നം: 2016-ൽ ജാമ്യത്തിലിറങ്ങി മുങ്ങിയ കൊലക്കേസ് പ്രതി അറസ്റ്റിൽ. എലിക്കുളം ആളുറുമ്പ് ഭാഗത്ത് ചിറ്റക്കാട്ടിൽ മാത്യു(ടോമി-52) യാണ് പൊൻകുന്നം പോലീസിന്റെ പിടിയിലായത്. പിതാവ് ജോയിയെ കൈക്കോടാലി കൊണ്ട് വെട്ടി കൊലപ്പെടുത്തിയ കേസിലെ പ്രതിയാണ്. കാഞ്ഞിരപ്പള്ളി ഡിവൈ.എസ്.പി.എൻ.സി. രാജ്‌മോഹനു കിട്ടിയ രഹസ്യവിവരത്തെ തുടർന്ന് പൊൻകുന്നം എസ്.എച്ച്.ഒ.വിനോദ്, എസ്.ഐ.രാജേഷ്, സി.പി.ഒ.മാരായ ജയകുമാർ ,അഭിലാഷ്, രവീന്ദ്രൻ, അനിൽ എന്നിവർ ചേർന്നാണ് പിടികൂടിയത്. പ്രതിയെ കോടതിയിൽ ഹാജരാക്കി റിമാൻഡ് ചെയ്തു.