എരുമേലിയിൽ കാർ തലകീഴായി മറിഞ്ഞ് നവദമ്പതികൾക്ക് പരിക്ക്.; സീറ്റ് ബെൽറ്റ് രക്ഷയായി.
എരുമേലി : വിനോദ സഞ്ചാര കേന്ദ്രത്തിൽ പോയി മടങ്ങുന്നതിനിടെ നിയന്ത്രണം തെറ്റിയ കാർ തല കീഴായി മറിഞ്ഞ് നവ ദമ്പതികൾക്ക് പരിക്ക്. എരുമേലി റാന്നി റോഡിൽ കരിമ്പിൻതോട്ടിൽ വ്യാഴാഴ്ച ഉച്ചകഴിഞ്ഞു മൂന്ന് മണിയോടെയാണ് അപകടം .
റാന്നി തോട്ടമൻ സ്വദേശികളായ നവദമ്പതികൾ പെരുന്തേനരുവി സന്ദർശിച്ച ശേഷം തിരിച്ചു പോകും വഴി കാർ നിയത്രണം വിട്ട് തിട്ടയിൽ ഇടിച്ചു കയറി റോഡിലേക്ക് മറിയുകയായിരുന്നു . രണ്ടുപേരും സീറ്റ് ബെൽറ്റ് ധരിച്ചിരുന്നതിനാൽ കൂടുതൽ അപകടം ഉണ്ടായില്ല. എരുമേലി പോലീസ് സംഭവസ്ഥലത്ത് എത്തി ഇരുവരെയും എരുമേലി സർക്കാർ ആശുപത്രിയിൽ എത്തിച്ചു പ്രഥമ ശുശ്രൂഷ നൽകി വിട്ടയച്ചു