ജനങ്ങളുടെ വിധിയെഴുത്ത് മാനിക്കുന്നുവെന്ന് അൽഫോൻസ് കണ്ണന്താനം
∙ എൻഡിഎ എ ക്ലാസ് മണ്ഡലത്തിൽ ഉൾപ്പെടുത്തിയിരുന്ന കാഞ്ഞിരപ്പള്ളിയിൽ അൽഫോൻസ് കണ്ണന്താനത്തിനു വോട്ടെണ്ണലിൽ ഒരു ഘട്ടത്തിലും മുന്നിലെത്താൻ കഴിഞ്ഞില്ല. ബിജെപി അധികാരത്തിലുള്ള പള്ളിക്കത്തോട് പഞ്ചായത്തിൽ പോലും എൻഡിഎ സ്ഥാനാർഥിക്കു ലീഡ് ചെയ്യാനായില്ല. 2016ലെ തിരഞ്ഞെടുപ്പിൽ എൻഡിഎ സ്ഥാനാർഥി വി.എൻ.മനോജിനു ലഭിച്ചതിനെക്കാൾ രണ്ടായിരത്തി അഞ്ഞൂറോളം വോട്ടുകളുടെ കുറവും ഉണ്ടായി.
കാഞ്ഞിരപ്പള്ളി: പരാജയത്തിൽ തെല്ലും ദുഃ ഖമില്ലെന്ന് അൽഫോൻസ് കണ്ണന്താനം എംപി. എല്ലാം ജനനന്മയ്ക്കായി കരുതുന്നതിനാൽ ഈ പരാജയവും നന്മയിൽ കലാശിക്കുമെന്നാണ് വിചാരിക്കുന്നത്. കാഞ്ഞിരപ്പള്ളിയിൽ വിജയിച്ച എൻ. ജയരാജിനെ അഭിനന്ദനം അറിയിച്ചു. ജനങ്ങളുടെ വിധിയെഴുത്ത് മാനിക്കുന്നുവെന്നും അൽഫോൻസ് കണ്ണന്താനം പറഞ്ഞു.