കാഞ്ഞിരപ്പള്ളിയിൽ വാഹനാപകടം ; നാലുപേർ പരുക്കേറ്റ്‌ മെഡിക്കൽ കോളേജ് ആശുപത്രിയിൽ
കാഞ്ഞിരപ്പള്ളി : വെള്ളിയാഴ്‌ച പുലർച്ചെ നാലരയോടെ കാഞ്ഞിരപ്പള്ളി എലഗൻസ് ഹോട്ടലിന് സമീപത്തുവച്ചുണ്ടായ അപകടത്തിൽ നാലുപേർ പരുക്കേറ്റ്‌ മെഡിക്കൽ കോളേജ് ആശുപത്രിയിൽ ആശുപത്രിയിൽ . പത്രവിതരണത്തിനു ശേഷം തിരികെ പോവുകയായിരുന്ന ജീപ്പും, എതിരെ വശത്തുനിന്നും വന്ന കാറും തമ്മിൽ കൂട്ടിയിടിക്കുകയായിരുന്നു. കാറിൽ സഞ്ചരിച്ചിരുന്ന പാറത്തോട് സ്വദേശികളായ മൂന്നു യാത്രക്കരെയും ഗുരുതര പരിക്കുകളോടെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു .
പാറത്തോട് അറഫാ പള്ളിക്ക് സമീപം താമസിക്കുന്ന അബ്ദുൾ ഹക്കീം, അബൂബക്കർ, നിയാസ് എന്നിവരാണ് അപകടത്തിൽ പെട്ട കാറിൽ ഉണ്ടായിരുന്നത്. ഇവർ മൂവരെയും ഗുരുതര പരിക്കുകളോടെ മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു . മംഗളം ദിനപത്രം വിതരണം ചെയ്യുന്ന ജീപ്പാണ് അപകടത്തിൽ പെട്ടത്. ജീപ്പ് ഡ്രൈവർ അതിരമ്പുഴ സ്വദേശി ബേബിയും പരിക്കേറ്റ് മെഡിക്കൽ കോളേജ് ആശുപത്രിയിൽ ചികിത്സയിലാണ്. പോലീസെത്തി മേൽനടപടികൾ ആരംഭിച്ചു.