പശുവിന്റെ തോലും കുടലും അവശിഷ്‌ടങ്ങളും സാമൂഹികവിരുദ്ധർ കിയോസ്കിൽ തള്ളി.
എരുമേലി : പശുവിന്റെ തോലും കുടലും അവശിഷ്‌ടങ്ങളും കിയോസ്കിൽ തള്ളിയാതായി കണ്ടെത്തി . എരുമേലി കൊരട്ടി റോഡിൽ റോട്ടറി ക്ലബ്ബ്‌ ഭാഗത്തെ കിയോസ്കിലാണ് മാംസാവശിഷ്ടങ്ങൾ ഉപേക്ഷിച്ചതായി കണ്ടെത്തിയത് പശുവിനെ മോഷ്ടിച്ചു കൊണ്ടുവന്ന് കൊന്ന് ഇറച്ചി എടുത്ത ശേഷം അവശിഷ്‌ടങ്ങൾ ഉപേക്ഷിച്ചതാണെന്ന് സംശയമുണ്ട്.
ശനിയാഴ്ച രാവിലെ കിയോസ്കിൽ ജോലിക്കെത്തിയ ജീവനക്കാരി ദുർഗന്ധത്തെ തുടർന്ന് മാലിന്യങ്ങളിൽ തിരഞ്ഞപ്പോഴാണ് ചത്ത പശുവിന്റെ തോലും കാലുകളും ശ്രദ്ധയിൽ പെട്ടത്. സമീപത്ത് ചാക്കിൽ കെട്ടിയ നിലയിൽ കുടലുകളും മാംസ അവശിഷ്‌ടങ്ങളും ഉണ്ടായിരുന്നു. പഞ്ചായത്ത് അധികൃതരെ വിവരം അറിയിച്ച ശേഷം ഭർത്താവിന്റെയും അതുവഴി വന്ന ജെ സി ബി ഡ്രൈവറുടെയും സഹായത്തോടെ റോഡരികിൽ കുഴിയെടുത്തു മറവ് ചെയ്യുകയായിരുന്നു. മാലിന്യം തള്ളിയവരെ പിടുകൂടുന്നതിന് നടപടികൾ സ്വീകരിക്കുമെന്ന് പഞ്ചായത്ത് അധികൃതർ അറിയിച്ചു.