മു​ണ്ട​ക്ക​യം: പ്ര​ള​യ​ത്തി​ൽ ത​ക​ർ​ന്ന തോ​പ്പി​ൽ ക​ട​വ് പാ​ലം പു​ന​ർ നി​ർ​മി​ക്കു​വാ​ൻ അ​ടി​യ​ന്ത​ര ന​ട​പ​ടി സ്വീ​ക​രി​ക്കു​മെ​ന്ന് പീ​രു​മേ​ട് എം​എ​ൽ​എ വാ​ഴൂ​ർ സോ​മ​ൻ. പാ​ലം ത​ക​ർ​ന്നി​ട്ട് മൂ​ന്നു വ​ർ​ഷ​മാ​യി​ട്ടും പു​ന​ർ നി​ർ​മി​ക്കാ​ത്ത​തി​ൽ പ്ര​തി​ഷേ​ധം ശ​ക്ത​മാ​യ​തി​നു പിന്നാലെയാ​ണ് എം​എ​ൽ​എ സ്ഥ​ലം സ​ന്ദ​ർ​ശി​ച്ച​ത്. 
2018 ഓ​ഗ​സ്റ്റ് 15 നാ​ണ് പ്ര​ള​യ​ത്തെ തു​ട​ർ​ന്ന് കോ​ട്ട​യം – ഇ​ടു​ക്കി ജി​ല്ല​ക​ളെ ബ​ന്ധി​പ്പി​ക്കു​ന്ന കോ​രു​ത്തോ​ട്ടി​ലെ തോ​പ്പി​ൽ ക​ട​വ് പാ​ലം ത​ക​ർ​ന്ന​ത്. ഇ​തോ​ടെ പെ​രു​വ​ന്താ​നം പ​ഞ്ചാ​യ​ത്തി​ലെ മൂ​ഴി​ക്ക​ൽ, കു​റ്റി​ക്ക​യം പ്ര​ദേ​ശ​ങ്ങ​ളി​ലെ 450 ഓ​ളം കു​ടും​ബ​ങ്ങ​ൾ​ക്ക് പു​റം ലോ​ക​ത്തേ​ക്കു​ള്ള യാ​ത്ര മു​ട​ങ്ങി. ആ​ശു​പ​ത്രി, സ്കൂ​ൾ, പ​ല​വ്യ​ഞ്ജ​ന സാ​ധ​ന​ങ്ങ​ൾ അ​ട​ക്ക​മു​ള്ള സ​ർ​വ കാ​ര്യ​ങ്ങ​ൾ​ക്കും മൂ​ഴി​ക്ക​ൽ നി​വാ​സി​ക​ൾ കോ​രു​ത്തോ​ട്, മു​ണ്ട​ക്ക​യം ടൗ​ണു​ക​ളെ​യാ​ണ് ആ​ശ്ര​യി​ക്കേ​ണ്ട​ത്.  
പാ​ലം ത​ക​ർ​ന്ന​തോ​ടെ മൂ​ഴി​ക്ക​ലി​ൽ നി​ന്ന് അ​ക്ക​രെ ക​ട​ക്കാ​ൻ താ​ത്കാ​ലി​ക​മാ​യി ച​ങ്ങാ​ടം നി​ർ​മി​ച്ചെ​ങ്കി​ലും ഒ​രു വ​ർ​ഷ​ത്തി​നു ശേ​ഷം ഇ​തും ത​ക​ർ​ന്നു. പി​ന്നീ​ട് പ്ര​തി​ഷേ​ധ​ങ്ങ​ൾ​ക്കു ശേ​ഷം ച​ങ്ങാ​ട യാ​ത്ര താ​ത്കാ​ലി​ക​മാ​യി ഒ​രു​ക്കി​യെ​ങ്കി​ലും ഇ​പ്പോ​ൾ ഇതും പാ​തി ത​ക​ർ​ന്ന അ​വ​സ്ഥ​യാ​ണ്. മ​ഴ​ക്കാ​ലം കൂ​ടി എ​ത്തി​യ​തോ​ടെ മേ​ഖ​ല​യി​ലെ ജ​ന​ങ്ങ​ൾ ഭീ​തി​യി​ലാ​യി​രി​ക്കു​ക​യാ​ണ്. അ​ഴു​ത​യാ​റി​ലെ ജ​ല​നി​ര​പ്പ് ഉ​യ​ർ​ന്ന​തോ​ടെ ച​ങ്ങാ​ട യാ​ത്ര​യും മു​ട​ങ്ങി. 
പാ​ലം ത​ക​ർ​ന്ന​പ്പോ​ൾ സ്ഥ​ലം സ​ന്ദ​ർ​ശി​ച്ച കോ​ട്ട​യം – ഇ​ടു​ക്കി ജി​ല്ല​യി​ലെ ജ​ന​പ്ര​തി​നി​ധി​ക​ൾ പി​ന്നീ​ട് ഈ ​ഭാ​ഗ​ത്തേ​ക്കു തി​രി​ഞ്ഞു നോ​ക്കി​യി​ട്ടി​ല്ലെ​ന്ന് പ്ര​ദേ​ശ​വാ​സി​ക​ൾ കു​റ്റ​പ്പെ​ടു​ത്തു​ന്നു. ലോ​ക​സ​ഭ, പ​ഞ്ചാ​യ​ത്ത്, നി​യ​മ സ​ഭ തെ​ര​ഞ്ഞെ​ടു​പ്പു​ക​ളി​ൽ രാ​ഷ്ട്രീ​യ പാ​ർ​ട്ടി​ക​ളു​ടെ പ്ര​ധാ​ന വാ​ഗ്ദാ​ന​വും തോ​പ്പി​ൽ ക​ട​വു പാ​ലം ത​ന്നെ​യാ​യി​രു​ന്നു. തെ​ര​ഞ്ഞെ​ടു​പ്പു ക​ഴി​ഞ്ഞ​തോ​ടെ ഇ​വ​രെ​ല്ലാം മൂ​ഴി​ക്ക​ൽ നി​വാ​സി​ക​ളെ മ​റ​ന്ന​താ​യാ​ണ് നാ​ട്ടു​കാ​രു​ടെ ആ​ക്ഷേ​പം. 
ഇ​തി​നി​ടെ​യാ​ണ് പീ​രു​മേ​ട് എം​എ​ൽ​എ സ്ഥ​ലം സ​ന്ദ​ർ​ശി​ച്ച് പാ​ലം പു​ന​ർ നി​ർ​മി​ക്കു​ന്ന​തി​ന് അ​ടി​യ​ന്ത​ര ന​ട​പ​ടി സ്വീ​ക​രി​ക്കു​മെ​ന്ന് അ​റി‍​യി​ച്ച​ത്. 90 ശ​ത​മാ​നം പ​ട്ടി​ക​വ​ർ​ഗ കു​ടും​ബ​ങ്ങ​ൾ തി​ങ്ങി പാ​ർ​ക്കു​ന്ന പ്ര​ദേ​ശ​ത്തെ 450 ഓ​ളം കു​ടും​ബ​ങ്ങ​ളു​ടെ യാ​ത്രാ​ക്ലേ​ശ​ത്തി​ന് ഉ​ട​ൻ പ​രി​ഹാ​ര​മാ​കു​മെ​ന്ന പ്ര​തീ​ക്ഷ​യാ​ണ് നാ​ട്ടു​കാ​ർ​ക്കു​ള്ള​ത്.