പൊ​ൻ​കു​ന്നം: പൊ​ൻ​കു​ന്നം കെ​എ​സ്ആ​ർ​ടി​സി ഡി​പ്പോ​യി​ലെ കെ​ട്ടി​ട​വും വ​ർ​ക്‌​ഷോ​പ്പും വാ​ട്ട​ർ​ടാ​ങ്കും ശോ​ച​നീ​യാ​വ​സ്ഥ​യി​ൽ. 40 വ​ർ​ഷ​ത്തി​ലേ​റെ പ​ഴ​ക്ക​മു​ള്ള കെ​ട്ടി​ട​ത്തി​ന്‍റെ പ​ല സ്ഥ​ല​ങ്ങ​ളും ചോ​ർ​ന്നൊ​ലി​ക്കു​ന്ന അ​വ​സ്ഥ​യി​ലാ​ണ്. പു​തി​യ കെ​ട്ടി​ടം നി​ർ​മി​ക്കു​ന്ന​തി​ന് പ​ദ്ധ​തി​യി​ട്ടെ​ങ്കി​ലും ഇ​തു​വ​രെ തു​ട​ർ ന​ട​പ​ടി​ക​ൾ ഉ​ണ്ടാ​യി​ട്ടി​ല്ല.
ര​ണ്ടു നി​ല കെ​ട്ടി​ട​മാ​യി​രു​ന്നു പ്ലാ​ൻ. താ​ഴ​ത്തെ നി​ല​യി​ൽ മെ​ക്കാ​നി​ക്ക​ൽ വി​ഭാ​ഗ​ങ്ങ​ളും വ​ർ​ക്കിം​ഗ് റൂം, ​സ്റ്റോ​ർ എ​ന്നി​വ​യും ര​ണ്ടാം നി​ല​യി​ൽ എ​ഡി​ഇ റൂം, ​ബാ​ത്ത് റൂം, ​മെ​ക്കാ​നി​ക്ക​ൻ വി​ശ്ര​മ​മു​റി എ​ന്നി​വ​യും മു​ക​ളി​ൽ​വാ​ട്ട​ർ ടാ​ങ്കു​മാ​ണ് നി​ർ​മാ​ണ പ​ദ്ധ​തി​യി​ലു​ണ്ടാ​യി​രു​ന്ന​ത്. ‌ സം​സ്ഥാ​ന പാ​ത​യി​ൽ നി​ന്നു നേ​രെ വാ​ഹ​ന​ങ്ങ​ൾ ക​യ​റു​ന്ന രീ​തി​യി​ലു​ള​ള പു​തി​യ വ​ർ​ക്‌​ഷോ​പ്പ് നി​ർ​മി​ക്കാ​നാ​ണ് ഉ​ദ്ദേ​ശി​ക്കു​ന്ന​ത്. ഒ​രു കോ​ടി ഇ​രു​പ​തു​ല​ക്ഷം രൂ​പ​യാ​ണ് പ്ര​തീ​ക്ഷി​ക്കു​ന്ന എ​സ്റ്റി​മേ​റ്റ്. ഇ​തി​ന്‍റെ എ​സ്റ്റി​മേ​റ്റ് എ​ടു​ത്തി​ട്ട് മാ​സ​ങ്ങ​ളാ​യെ​ങ്കി​ലും തു​ട​ർ​ന​ട​പ​ടി​ക​ളൊ​ന്നു​മാ​യി​ല്ല. 
കെ​എ​സ്ആ​ർ​ടി​സി ജി​ല്ലാ വ​ർ​ക്‌​ഷോ​പ്പി​നെ സ​ബ് വ​ർ​ക്‌​ഷോ​പ്പാ​ക്കി മാ​റ്റി​യ​പ്പോ​ൾ ഡി​സി​പി മെ​യി​ൻ വ​ർ​ക്‌​ഷോ​പ്പാ​യി പാ​ലാ വ​ർ​ക് ഷോ​പ്പി​നെ മാ​റ്റി​യി​രു​ന്നു. ഇ​തി​ന്‍റെ കീ​ഴി​ലാ​ണ് ഇ​പ്പോ​ൾ പൊ​ൻ​കു​ന്ന​ത്തെ വ​ർ​ക് ഷോ​പ്പ് പ്ര​വ​ർ​ത്തി​ക്കു​ന്ന​ത്. 
ജി​ല്ല​യി​ലെ വി​വി​ധ ഡി​പ്പോ​ക​ളി​ലെ നാ​ൽ​പ​തി​ല​ധി​കം മെ​ക്കാ​നി​ക്ക​ൽ ജീ​വ​ന​ക്കാ​രും ബ​സു​ക​ളും ഇ​വി​ടെ ഇ​പ്പോ​ൾ ഉ​ള്ള​തി​നാ​ൽ വ​ർ​ക്‌​ഷോ​പ്പി​ൽ യാ​തൊ​രു​വി​ധ സൗ​ക​ര്യ​ങ്ങ​ളും ഇ​ല്ലാ​ത്ത​ത് ഏ​റെ ബു​ദ്ധി​മു​ട്ടി​ലാ​ക്കു​ക​യാ​ണ്. അ​പ​ക​ട ഭീ​ഷ​ണി​യാ​യ വ​ർ​ക്‌​ഷോ​പ്പ് എ​ത്ര​യും വേ​ഗം പു​തു​ക്കി​പ്പ​ണി​യ​ണ​മെ​ന്ന് ജീ​വ​ന​ക്കാ​ർ ആ​വ​ശ്യ​പ്പെ​ട്ടു.