യൂത്ത് കോൺഗ്രസ് കാഞ്ഞിരപ്പള്ളിയിൽ പ്രതിഷേധപ്രകടനം നടത്തി.
കാഞ്ഞിരപ്പള്ളി : പതിനായിരക്കണക്കിന് കുടുംബങ്ങളെ പെരുവഴിയിൽ ആക്കിക്കോണ്ട് സർക്കാർ നടപ്പിലാക്കുന്ന കെ റെയിൽ എന്ന പദ്ധതിയുടെ പോരായിമകൾ പരിശോധിച്ച് വിശദമായ പഠനം നടത്തിയേ മുന്നോട്ടു പോകാവൂ എന്നാവശ്യപ്പെട്ട് നടത്തുന്ന
ജനകീയ പ്രതിഷേധത്തിന്റെ ഭാഗമായി നടത്തിയ പരിപാടിയിൽ പങ്കാളിയായ യൂത്ത് കോൺഗ്രസ് സംസ്ഥാന വൈസ് പ്രസിഡന്റ് റിജിൽ ചന്ദ്രൻ മാങ്കുറ്റിയെ കൂട്ടം ചേർന്ന് മർദിച്ചതിൽ പ്രതിഷേധിച്ച് യൂത്ത് കോൺഗ്രസ് കാഞ്ഞിരപ്പള്ളി മണ്ഡലം കമ്മിറ്റിയുടെ നേതൃത്വത്തിൽ നടത്തിയ പ്രതിഷേധ പ്രകടനം യൂത്ത് കോൺഗ്രസ് ജില്ലാ ജനറൽ സെക്രട്ടറി എം കെ ഷമീർ ഉദ്ഘാടനം ചെയ്തു.
മണ്ഡലം പ്രസിഡന്റ് അഫ്സൽ കളരിക്കൽ അധ്യക്ഷത വഹിച്ചു. കെ എസ് യൂ ജില്ലാ സെക്രട്ടറി കെ എൻ നയിസാം, അൻവർ പുളിമൂട്ടിൽ, . ഇ എസ് സജി, സന്തോഷ്‌ മണ്ണനാനീയിൽ, പി എസ് ഹാഷിം. ഫസിലി കോട്ടവാതുക്കൽ, ആമീൻ നജീബ്. ഷാഹിദ് ബഷീർ, ഷമീർ ആനിത്തോട്ടം അഷ്‌കർ നസീർ . നാസിം മുഹമ്മദ്‌. ആഷിക്ക് അക്കു . തുടങ്ങിയവർ പ്രസംഗിച്ചു….