കർഷക സമരത്തിന് പിന്തുണ: കത്തോലിക്കാ കോണ്‍ഗ്രസ് നിൽപ്പ് സമരം നടത്തി
കാഞ്ഞിരപ്പള്ളി: കർഷക സമരത്തിന് പിന്തുണയറിയിച്ച് കത്തോലിക്കാ കോണ്‍ഗ്രസ് സെന്റ് ഡൊമിനിക്സ് കത്തീഡ്രൽ യൂണിറ്റ് സമിതി ദീപനാളം തെളിയിച്ച് നിൽപ്പ് സമരം നടത്തി.
രാജ്യത്തെ കർഷകരെ കോർപ്പറേറ്റുകൾക്ക് അടിമകളാക്കി നൽകാൻ കേന്ദ്ര സർക്കാർ കൂട്ട് നിൽക്കരുതെന്ന് യോഗം ആവിശ്യപ്പെട്ടു. പ്രസിഡന്റ് ദേവസ്യാ മാത്യു പനയ്ക്കക്കുഴി ഉദ്ഘാടനം ചെയ്തു. സെക്രട്ടറി ജിജി പുത്തേട്ട് അധ്യക്ഷത വഹിച്ചു. രൂപതാ സെക്രട്ടറി റെജി കൊച്ചുകരിപ്പാപറമ്പില്‍ മുഖ്യപ്രഭാഷണം നടത്തി. ജോസഫ് പണ്ടാരക്കളം, കെ.കെ മൈക്കിൾ , ജോബി ഇലവുങ്കൽ , സച്ചിൻ വെട്ടിയാങ്കൽ , ഫിലിപ്പ് പള്ളിവാതുക്കൽ , സാബു കൊച്ചുപുരയ്ക്കപ്പറമ്പിൽ , ജെയിംസ്‌കുട്ടി ആശാരിപ്പറമ്പിൽ , ജോമോൻ ഇല്ലിക്കമുറി, ജോജി ഇരവിമംഗലം, ജോഷി കൊച്ചുകരിപ്പാപറമ്പിൽ തുടങ്ങിയവർ പ്രസംഗിച്ചു.
