മഹാമാരിയിൽ കുട്ടികൾക്ക് സഹായവുമായി അധ്യാപകർ; ഇടക്കുന്നം GHSS ലെ അധ്യാപകർ സമൂഹത്തിന് മാതൃകയായി

പാറത്തോട് : കോവിഡ് മഹാമാരിയുടെ കാലത്ത് തങ്ങളുടെ കുട്ടികളുടെ വീടുകളിലെ ബുദ്ധിമുട്ട് മനസ്സിലാക്കി സ്നേഹത്തിന്റെയും കരുതലിന്റെയും മാതൃകയാവുകയാണ് ഇടക്കുന്നം GHSS ലെ അധ്യാപകർ. സ്കൂളിലെ 13 അധ്യാപകർ, ഓരോരുത്തരും 5,000 രൂപ വീതം മുടക്കി 65,000 രൂപ സമാഹരിച്ച് തങ്ങളുടെ സ്‌കൂളിലെ ദുരിതം അനുഭവിക്കുന്ന കുട്ടികൾക്ക് ഭക്ഷണ കിറ്റുകൾ നൽകുന്ന സംരഭത്തിന് തുടക്കം കുറിച്ചു . സ്കൂളിലെ അർഹരായ 130 കുട്ടികൾക്ക് 500 രൂപ വില വരുന്ന ഭക്ഷണ കിറ്റ് ആണ് അവർ നൽകുന്നത്.

അധ്യാപകർ നൽകുന്ന ഈ സ്നേഹപൊതികൾ ഇടക്കുന്നം ഗാന്ധിജി സ്മാരക ഗ്രന്ഥശാല പ്രവർത്തകരാണ് കുട്ടികളുടെ വീട്ടിലെത്തിക്കുന്നത്.