കാ​ഞ്ഞി​ര​പ്പ​ള്ളി: ദേ​ശീ​യ പാ​ത വി​ക​സ​ന​ത്തി​നാ​യി ഡീ​റ്റെ​യ്ൽ​ഡ് പ്രൊ​ജ​ക്ട് റി​പ്പോ​ർ​ട്ട് ത​യാ​റാ​ക്കു​ന്ന​തി​നു​ള്ള സാ​ധ്യ​താ പ​ഠ​ന​ത്തി​ൽ പൊ​ൻ​കു​ന്നം 19ാം മൈ​ൽ മു​ത​ൽ മു​ണ്ട​ക്ക​യം വ​രെ​യു​ള്ള ഭാ​ഗ​ത്തി​ന് അ​നു​മ​തി​യാ​യി​ല്ല. 
ദേ​ശീ​യ​പാ​ത​യു​ടെ കോ​ട്ട​യം മു​ത​ൽ ചെ​ങ്ക​ൽ​പ്പ​ള്ളി വ​രെ​യു​ള്ള ഭാ​ഗ​ത്തെ സാ​ധ്യ​താ പ​ഠ​നം ആ​രം​ഭി​ച്ചു. മു​ണ്ട​ക്ക​യം മു​ത​ൽ കു​മ​ളി വ​രെ​യു​ള്ള ഭാ​ഗ​ത്തി​ന്‍റെ സാ​ധ്യ​ത പ​ഠ​നം പൂ​ർ​ത്തി​യാ​യി അ​ലൈ​ൻ​മെ​ന്‍റും നി​ശ്ച​യി​ച്ചു. എ​ന്നാ​ൽ ഇ​തി​നി​ടെ വ​രു​ന്ന 19ാം മൈ​ൽ മു​ത​ൽ മു​ണ്ട​ക്ക​യം വ​രെ​യു​ള്ള 23.4 കി​ലോ​മീ​റ്റ​ർ ദൂ​രം സാ​ധ്യ​താ പ​ഠ​ന​ത്തി​ൽ ഉ​ൾ​പ്പെ​ടു​ത്തി​യി​ട്ടി​ല്ല. 
ഡ​ൽ​ഹി ആ​സ്ഥാ​ന​മാ​യു​ള്ള മി​നി​സ്ട്രി ഓ​ഫ് റോ​ഡ് ട്രാ​ൻ​സ്പോ​ർ​ട്ട് ആ​ൻ​ഡ് ഹൈ​വേ​സ് ആ​ണ് സാ​ധ്യ​താ പ​ഠ​ന​ത്തി​ന് അ​നു​മ​തി ന​ൽ​കേ​ണ്ട​ത്. അ​നു​മ​തി ല​ഭി​ക്കാ​ത്ത​തി​ന്‍റെ കാ​ര​ണം ഉ​ദ്യോ​ഗ​സ്ഥ​ർ​ക്കും വ്യ​ക്ത​മ​ല്ല. സം​സ്ഥാ​ന​ത്തു നി​ന്നു മി​നി​സ്ട്രി ഓ​ഫ് റോ​ഡ് ട്രാ​ൻ​സ്പോ​ർ​ട്ട് ആ​ൻ​ഡ് ഹൈ​വേ​സി​ന്‍റെ അ​നു​മ​തി​ക്കാ​യി ന​ൽ​കി​യ സാ​ധ്യ​താ പ​ഠ​ന​ത്തി​നു നി​യോ​ഗി​ക്കു​ന്ന ക​ൺ​സ​ൾ​ട്ട​ൻ​സി ന​ൽ​കു​ന്ന അ​ലൈ​ൻ​മെ​ന്‍റു​ക​ൾ ജ​ന​പ്ര​തി​നി​ധി​ക​ൾ ഉ​ൾ​പ്പെ​ടെ​യു​ള്ള​വ​രു​മാ​യി വി​ശ​ദ​മാ​യി ച​ർ​ച്ച ചെ​യ്ത ശേ​ഷം സ്ഥ​ല​മേ​റ്റെ​ടു​പ്പ്, ഫ​ണ്ട് തു​ട​ങ്ങി​യ കാ​ര്യ​ങ്ങ​ളും പ​രി​ഗ​ണി​ച്ച ശേ​ഷം അ​നു​യോ​ജ്യ​മാ​യ​തു തെ​ര​ഞ്ഞെ​ടു​ത്ത് ന​ട​പ്പാ​ക്കു​ക​യാ​ണ് ചെ​യ്യു​ന്ന​ത്. 
ദേ​ശീ​യ പാ​ത​യി​ലെ വ​ള​വു​ക​ൾ നി​വ​ർ​ത്തി 30 മീ​റ്റ​ർ വീ​തി​യി​ൽ നി​ർ​മി​ക്കാ​നും ആ​വ​ശ്യ​മാ​യ സ്ഥ​ല​ങ്ങ​ളി​ൽ ബൈ​പാ​സ് ഉ​ൾ​പ്പെ​ടെ നി​ർ​മി​ച്ച് രാ​ജ്യാ​ന്ത​ര നി​ല​വാ​ര​ത്തി​ലേ​ക്ക് ഉ​യ​ർ​ത്തു​ന്ന​തി​നു​ള്ള സാ​ധ്യ​താ പ​ഠ​ന​മാ​ണ് ന​ട​ന്നു​വ​രു​ന്ന​ത്. ദേ​ശീ​യ പാ​ത ന​വീ​ക​ര​ണ​ത്തി​നു മു​ന്നോ​ടി​യാ​യി പ​ദ്ധ​തി റി​പ്പോ​ർ​ട്ട് ത​യാ​റാ​ക്കു​ന്ന​തി​ന് 19ാം മൈ​ൽ മു​ണ്ട​ക്ക​യം വ​രെ​യു​ള്ള ഭാ​ഗം ഉ​ൾ​പ്പെ​ടു​ത്ത​ണ​മെ​ന്നാ​വ​ശ്യ​പ്പെ​ട്ട് പൊ​തു​മ​രാ​മ​ത്ത് മ​ന്ത്രി​ക്ക് നി​വേ​ദ​നം ന​ൽ​കി​യി​ട്ടു​ണ്ടെ​ന്നും വി​വ​രം കേ​ന്ദ്ര റോ​ഡ് ട്രാ​ൻ​സ്പോ​ർ​ട്ട് ആ​ൻ​ഡ് ഹൈ​വേ​സ് മ​ന്ത്രാ​ല​യ​ത്തെ അ​റി​യി​ച്ചു പ​രി​ഹാ​രം ഉ​ണ്ടാ​ക്കാ​മെ​ന്നു മ​ന്ത്രി ഉ​റ​പ്പു ന​ൽ​കി​യ​താ​യും ചീ​ഫ് വി​പ്പ് ഡോ. ​എ​ൻ. ജ​യ​രാ​ജ് അ​റി​യി​ച്ചു.