ഡെലിവറി ബോയിയുടെ വേഷത്തിൽ കൂവപ്പള്ളിയിൽ വീട്ടിൽ കയറി വീട്ടമ്മയെ അടിച്ചുവീഴ്ത്തി മാല കവർന്ന കള്ളന് പണികിട്ടി ..

കാഞ്ഞിരപ്പള്ളി : കൂവപ്പള്ളി തുരുത്തിപ്പടവ് ഭാഗത്ത് ഓൺലൈൻ ഡെലിവറി ബോയിയുടെ വേഷത്തിൽ, വീട്ടിൽ കയറി അക്രമി വീട്ടമ്മയുടെ ​മുഖ​ത്തി​ടി​ച്ച് വീ​ഴ്ത്തി​യ ശേ​ഷം മാ​ല പൊ​ട്ടി​ച്ച് ര​ക്ഷ​പെ​ടു​ക​യാ​യി​രു​ന്നു. അക്രമത്തിൽ പരിക്കേറ്റെങ്കിലും, അക്രമി തട്ടികൊണ്ടുപോയ മാല മുക്കുപണ്ടമായതിനാൽ വീട്ടമ്മയ്ക്ക് വലിയ സാമ്പത്തിക നഷ്ടം ഉണ്ടായില്ല. കൂ​വ​പ്പ​ള്ളി​ തുരുത്തിപ്പടവ് ആ​ല​മ്പ​ര​പ്പ് കൊ​ച്ചു​മാ​ട​ശേ​രി അ​ജി​ത്തി​ന്‍റെ ഭാ​ര്യ ഊ​ർ​മി​ള (34) ആ​ണ് ആ​ക്ര​മ​ണ​ത്തി​നി​ര​യാ​യ​ത്.

വ്യാഴാഴ്ച രാവിലെ ഒൻപതരയോടെയാണ് സംഭവം നടന്നത്. യു​വ​തി​യും നാ​ലും ര​ണ്ടും വ​യ​സു​ള്ള കു​ട്ടി​ക​ളു​മാ​ണ് വീ​ട്ടി​ലു​ണ്ടാ​യി​രു​ന്ന​ത്. ഫ്ലി​പ്കാ​ർ​ട്ടി​ൽ നി​ന്നും ഡെ​ലി​വ​റി​യു​മാ​യി എ​ത്തി​യ​യാ​ൾ എ​ന്ന വ്യാ​ജേ​ന​ ചുവന്ന സ്കൂട്ടറിൽ ക​ള്ള​നെ​ത്തി​യ​ത്.

ഫ്ലി​പ്കാ​ർ​ട്ടി​ൽ സാ​ധ​നം ഓ​ർ​ഡ​ർ ചെ​യ്തി​രു​ന്ന​തി​നാ​ലും ഡെ​ലി​വ​റി ബോ​യ്സി​ന്‍റെ തോ​ളി​ൽ കാ​ണു​ന്ന ബാ​ഗു​ണ്ടാ​യി​രു​ന്ന​തി​നാ​ലും യു​വ​തി​ക്ക് സം​ശ​യം തോ​ന്നി​യി​ല്ല. മാ​ല പൊ​ട്ടി​ക്കാ​ൻ ശ്ര​മി​ച്ച​തോ​ടെ യു​വ​തി ത​ട​യാ​ൻ നോ​ക്കി. പി​ന്നാ​ലെ യു​വ​തി​യെ മു​ഖ​ത്തി​ടി​ച്ച് വീ​ഴ്ത്തി​യ ശേ​ഷം മാ​ല പൊ​ട്ടി​ച്ച് മോ​ഷ്ടാ​വ് ര​ക്ഷ​പെ​ടു​ക​യാ​യി​രു​ന്നു. അടുത്തെങ്ങും മറ്റ് വീടുകൾ ഇല്ലാതിരുന്നത്‌ മോഷ്ട്ടാവിന് സൗകര്യമായി .

ര​ണ്ടു​പേ​രാ​ണ് എ​ത്തി​യ​തെ​ന്ന് പി​ന്നീ​ട് യു​വ​തി പോ​ലീ​സി​ന് മൊ​ഴി ന​ൽ​കി. ക​ള്ള​ന്‍റെ പി​ന്നാ​ലെ ഓ​ടി​യ​പ്പോ​ൾ റോ​ഡി​ൽ മ​റ്റൊ​രാ​ൾ ബൈ​ക്കി​ൽ കാ​ത്തു​നി​ൽ​പ്പു​ണ്ടാ​യി​രു​ന്ന​തും യു​വ​തി ക​ണ്ടു. ഈ ​ബൈ​ക്കി​ന്‍റെ പി​ന്നി​ൽ ക​യ​റി​യാ​ണ് മാ​ല പൊ​ട്ടി​ച്ച​യാ​ൾ ക​ട​ന്നു​ക​ള​ഞ്ഞ​ത്. മാ​സ്കും ഫേ​സ് ഷീ​ൽ​ഡും ധ​രി​ച്ചാ​ണ് വീ​ട്ടി​ൽ ക​യ​റി​യ​യാ​ൾ എ​ത്തി​യ​ത്. അ​തി​നാ​ൾ ക​ള്ള​ന്‍റെ മു​ഖം വ്യ​ക്ത​മാ​യി​ല്ല.

കാഞ്ഞിരപ്പള്ളി സിഐ സിബി ടോം, എസ് ഐ അരുൺ തോമസ് എന്നിവരുടെ നേതൃത്വത്തിൽ പോലീസ് അന്വേഷണം ഊർജിതമാക്കി .