ബാങ്കിങ് മേഖലയിൽ നിരവധി തൊഴിലവസരങ്ങളുമായി ശ്രീ ശബരീശ കോളേജിൽ തൊഴിൽ മേള 21 ന്

മുണ്ടക്കയം : മുരിക്കുംവയൽ ശ്രീ ശബരീശ കോളേജ് പ്ലേസ്മെന്റ് സെല്ലിന്റെയും, ഐ.സി.ഐ.സി.ഐ. ബാങ്കിന്റെയും ആഭിമുഖ്യത്തിൽ ബാങ്കിങ് മേഖലയിൽ നിരവധി തൊഴിലവസരങ്ങളുമായി തൊഴിൽ മേള ശ്രീ ശബരീശ കോളേജിൽ ഡിസംബർ 21 ന് നടക്കും. കേരളത്തിലെ വിവിധ ജില്ലകളിലെ 100 ന് മുകളിലുളള ഒഴിവുകളിലേക്കാണ് തൊഴിൽമേളയിൽ ഇന്റർവ്യൂ നടക്കുന്നത്.

ഉദ്യോഗാർത്ഥികളുടെ പ്രായം 26 വയസ്സിൽ കൂടാൻ പാടില്ല. ഏതെങ്കിലും വിഷയത്തിലുള്ള ബിരുദമാണ് അടിസ്ഥാന യോഗ്യത. മേളയുടെ ഉത്ഘാടനം ദേശാഭിമാനി ജനറൽ മാനേജർ കെ.ജെ.തോമസ് നിർവ്വഹിക്കും. മല അരയ എഡ്യൂക്കേഷണൽ ട്രസ്റ്റ് ചെയർമാൻ കെ.ആർ. ഗംഗാധരൻ IRS അധ്യക്ഷത വഹിക്കും. ഐക്യ മല അരയ മഹാസഭ സംസ്ഥാന ജനറൽ സെക്രട്ടറി പി.കെ. സജീവ് മുഖ്യപ്രഭാഷണം നടത്തും. റിക്രൂട്ട്മെന്റ് എച്ച്. ആർ സോജി എസ്, ശ്രീ ശബരീശ കോളേജ് പ്രിൻസിപ്പൽ പ്രൊഫ. വീ.ജി. ഹരീഷ്കുമാർ, പ്ലെസ്മെന്റ് സെൽ കൺവീനർ ദിയ ഉസ്മാൻ തുടങ്ങിയവർ പ്രസംഗിക്കും.

രജിസ്ട്രേഷനായി www.sreesabareesacollege.in എന്ന വെബ്ബ്സൈറ്റ് സന്ദർശിക്കുക. ഫോൺ: 04828 278560, 9496180154. കാഞ്ഞിരപ്പള്ളി മീഡിയ സെന്ററിൽ നടത്തിയ പത്രസമ്മേളനത്തിൽ ശ്രീ ശബരീശ കോളേജ് പ്രിൻസിപ്പൽ വീ.ജി. ഹരീഷ്കുമാർ , പ്ലെയ്സ്മെന്റ് സെൽ കൺവീനർ ദിയ ഉസ്മാൻ, പ്ലെയ്സ്മെന്റ് കമ്മറ്റി അംഗങ്ങളായ അനന്തു അമ്പാടി ജി, നൗഫിയ, സ്റ്റുഡന്റ് കോഡിനേറ്റേഴ്സായ മെഹൽ എൽസ സജി, ആഷിക് ഹംസ തുടങ്ങിയവർ പങ്കെടുത്തു.