പുൽക്കൂട് മത്സരവും കരോൾഗാന മത്സരവും ഡിസംബർ 23-ന്

കാഞ്ഞിരപ്പള്ളി: ലോകരക്ഷക്കായി ബെത്‌ലഹേമിലെ പുൽക്കൂട്ടിൽ പിറവി കൊണ്ട ഉണ്ണിയേശുവിന്റെ പിറന്നാൾ ലോകമെങ്ങും ആഘോഷിക്കുകന്ന അവസരത്തിൽ മാതൃഭൂമിയും പങ്കുചേരുന്നു. 
പൊടിമറ്റം സെന്റ് മേരീസ് പള്ളി ഇടവകയുടെ സഹകരണത്തോടെയാണ് മാതൃഭൂമി പുൽക്കൂട് മത്സരവും കരോൾഗാന മത്സരവും സംഘടിപ്പിക്കുന്നത്.

പുൽക്കൂട് മത്സരത്തിന് യഥാക്രമം 25,000 രൂ., 15,000 രൂ., 10,000 രൂ. എന്നിങ്ങനെയാണ് ഒന്നും രണ്ടും മൂന്നും സമ്മാനങ്ങൾ. 12 ടീമുകൾക്ക് പ്രോത്സാഹന സമ്മാനമായി 2,000 രൂപ വീതവും നൽകും. ഏഴ് അംഗങ്ങളുള്ള ഗ്രൂപ്പിന് ഒരു ടീമായി മത്സരിക്കാം. ആദ്യം രജിസ്റ്റർ ചെയ്യുന്ന 15 ടീമിനാണ് പ്രവേശനം. 

കരോൾഗാനമത്സരത്തിന് യഥാക്രമം10,000/- 7,500/- 5,000/-
എന്നിങ്ങനെയാണ് ഒന്നും രണ്ടും മൂന്നും സമ്മാനങ്ങൾ.ഏഴ് അംഗങ്ങളുള്ള ഗ്രൂപ്പിന് ടീമായി മത്സരിക്കാം. ആദ്യം രജിസ്റ്റർ ചെയ്യുന്ന 10 ടീമിനാണ് പങ്കെടുക്കാനവസരം. 2021 ഡിസംബർ 23-ന് പൊടിമറ്റം സെന്റ് മേരീസ് പള്ളി മൈതാനത്താണ് മത്സരം. ഉച്ചയ്ക്ക് രണ്ടുമണിമുതൽ ആറുമണി വരെയാണ് മത്സരം.

വൈകീട്ട് ഏഴിന് നടക്കുന്ന സമാപന സമ്മേളനത്തിൽ കാഞ്ഞിരപ്പള്ളി രൂപതാധ്യക്ഷൻ മാർ ജോസ് പുളിക്കൽ ക്രിസ്മസ് സന്ദേശം നൽകും. സമ്മാനദാനവും ഇദ്ദേഹം നിർവഹിക്കും. പൊടിമറ്റം ഇടവക വികാരി ഫാ.മാർട്ടിൻ വെള്ളിയാംകുളം, 916 കോക്കോബ്രാൻഡ് കോക്കനട്ട് ഓയിൽ കമ്പനി മാനേജിങ് ഡയറക്ടർ സാൻവി അഗസ്റ്റിൻ തുടങ്ങിയവർ പങ്കെടുക്കും. 

പുൽക്കൂട് മത്സരത്തിന് രജിസ്റ്റർ ചെയ്യാൻ-9895203694

കരോൾഗാന മത്സരത്തിന് രജിസ്റ്റർ ചെയ്യാൻ-8075291657