ബൈക്കിൽ വരുന്നതിനിടെ റോഡിൽ പുലി; പേടിച്ച് നിയന്ത്രണം വിട്ട് മറിഞ്ഞ് യുവാവിന് പരിക്ക്

എരുമേലി : ജോലി കഴിഞ്ഞു വീട്ടിലേക്ക് ബൈക്കിൽ വരുന്നതിനിടെ റോഡിന് കുറുകെ പുലി ചാടി വീണെന്ന് യുവാവ്. രക്ഷപെടാനുള്ള വെപ്രാളത്തിനിടെ ബൈക്ക് നിയന്ത്രണം വിട്ട് മറിഞ്ഞ് യുവാവിന് നിസാര പരിക്ക്. അതേസമയം യുവാവ് കണ്ടത് കാട്ടുപൂച്ചയെ ആയിരിക്കാമെന്ന് വനപാലകർ. ഇന്നലെ സന്ധ്യയ്ക്ക് എരുമേലി – ഒഴക്കനാട് റോഡിൽ വെച്ചാണ് സംഭവം.

ഒഴക്കനാട് ചെന്നയ്ക്കാട്ട് ജോജി – രേണുക ദമ്പതികളുടെ മകൻ അഭിമന്യു (23) ആണ് ബൈക്കിൽ വരുന്നതിനിടെ അപകടത്തിൽ പെട്ടത്. റോഡിന് നടുവിലേക്ക് പുലി എടുത്തു ചാടുകയായിരുന്നുവെന്നും ഉടനെ പുലി ഓടി മറഞ്ഞെന്നും അഭിമന്യു പറയുന്നു.