കാഞ്ഞിരപ്പള്ളി ബസ് സ്റ്റാൻഡിൽ ഷോപ്പിംഗ് കോംപ്ലക്സിൽ ഗ്യാസ് സിലിണ്ടർ പൊട്ടിത്തെറിച്ചു .. അകത്തു കുടുങ്ങിയ അഞ്ചുപേരെ ഫയർഫോഴ്സ് സാഹസികമായി രക്ഷപെടുത്തി… പേടിക്കണ്ട, ആശ്വസിക്കാം .. സുരക്ഷാക്രമീകരണങ്ങൾ വിലയിരുത്തുവാൻ നടത്തിയ മോക്ഡ്രിൽ ആയിരുന്നു അത് ..

കാഞ്ഞിരപ്പള്ളി : അടിയന്തിര സഹചര്യങ്ങളിൽ രക്ഷാപ്രവർത്തനം നടത്തുന്നത് എങ്ങനെയെന്ന് പൊതുജങ്ങൾക്ക് അവബോധം നൽകുന്നതിനായി കാഞ്ഞിരപ്പള്ളി ഫയർഫോഴ്സും , പോലീസും, സിവിൽ ഡിഫൻസും , ഗ്രാമപഞ്ചായത്തും , താലൂക്ക് ഓഫീസും , ജനറൽ ആശുപത്രിയും ചേർന്ന് ഒരുക്കിയ അടിയന്തിര മാതൃകാ രക്ഷാപ്രവർത്തനത്തിന്റെ മോക്ഡ്രിൽ ഏറെ ശ്രദ്ധേയമായി . കാഞ്ഞിരപ്പള്ളി ബസ് സ്റ്റാൻഡിൽ ഷോപ്പിംഗ് കോംപ്ലക്സിൽ ഗ്യാസ് സിലിണ്ടർ പൊട്ടിത്തെറിച്ചു അകത്തു കുടുങ്ങിയവരെ രക്ഷപ്പെടുത്തുന്ന സംവിധാനമാണ് ഒരുക്കിയത് . നിർത്താതെയുള്ള സൈറൺ മുഴക്കി ഫയർ എൻജിനുകളും , ആംബുലൻസുകളും , പോലീസ് വാഹനങ്ങളും കാഞ്ഞിരപ്പള്ളി പട്ടണത്തിലൂടെ ചീറിപ്പാഞ്ഞു ബസ് സ്റ്റാൻഡിലേക്ക് പ്രവേശിച്ചപ്പോൾ പൊതുജനം അമ്പരന്നു . എന്നാൽ ആരും പരിഭ്രാന്തർ ആകേണ്ടെന്നും , ഇത് മോക്ഡ്രിൽ ആണെന്നും അനൗൺസ്‌മെന്റ് നടത്തിയപ്പോൾ ജനങ്ങളുടെ അമ്പരപ്പ്, കൗതുകവും ആകാംക്ഷയുമായി മാറി. .
വീഡിയോ കാണുവാൻ ഇവിടെ ക്ലിക്ക് ചെയ്യുക