സ്കൂൾ പാർലമെന്റംഗങ്ങളുടെ സ്ഥാനാരോഹണ ചടങ്ങ് നടന്നു
കാഞ്ഞിരപ്പള്ളി എ.കെ.ജെ.എം. സ്കൂളിൽ സ്കൂൾ പാർലമെന്റിലേക്ക് തിരഞ്ഞെടുക്കപ്പെട്ട ലീഡേഴ്സിന്റെ സത്യപ്രതിജ്ഞാചടങ്ങ് വളരെ ആഘോഷപൂർവ്വം നടന്നു. കാഞ്ഞിരപ്പള്ളി എസ്.എച്ച്.ഒ. ഫൈസൽ എം.എസ്. മുഖ്യ അതിഥിയായിരുന്നു. ഹൈസ്കൂൾ കോർഡിനേറ്റർ ശ്രീ ആന്റണി ജോസഫ് സ്വാഗതം ആശംസിച്ചു. സ്കൂൾ മാനേജർ ഫാ സ്റ്റീഫൻ സി തടം എസ്. ജെ. ചടങ്ങിൽ അദ്ധ്യക്ഷത വഹിച്ച യോഗത്തിൽ ശ്രീ ഫൈസൽ എം.എസ്. നിലവിളക്കുകൊളുത്തി ചടങ്ങ് ഉദ്ഘാടനം ചെയ്യുകയും മുഖ്യ സന്ദേശം നൽകുകയും ചെയ്തു.
സ്കൂൾ പ്രിൻസിപ്പാൾ ഫാ അഗസ്റ്റിൻ പീടികമല എസ്.ജെ., വൈസ് പ്രിൻസിപ്പാൾ ഫാ ജോസ് തച്ചിൽ എസ്.ജെ., ശ്രീ ഫൈസൽ എം.എസ്. എന്നിവർ ലീ‍ഡേഴ്സിന് ഔദ്യേഗിക ചിഹ്നങ്ങൾ അണിയിച്ചു. സ്കൂളിലെ പ്രധാനപ്പെട്ട എല്ലാ പരിപാടികളിലും തങ്ങളുടെ പ്രവർത്തന മികവ് പ്രകടിപ്പിക്കുകയും ചടങ്ങ് മനോഹരമാക്കുകയും ചെയ്ത സ്കൂൾ ബാൻഡ് ടിം അംഗങ്ങളെ കാഞ്ഞിരപ്പള്ളി എസ്.എച്ച്.ഒ. ഫൈസൽ എം.എസ്. മെമന്റോ നൽകി ആദരിച്ചു. സ്കൂൾ ചെയർമാൻ തോമസ് എസ്.ജെ. കൃതജ്ഞത അർപ്പിച്ചു.