കാഞ്ഞിരപ്പള്ളി ജനറൽ ആശുപത്രിയിലെ പഴയ കാന്റീൻ കെട്ടിടം ഇടിഞ്ഞു പൊളിഞ്ഞു വീഴാറായി .. ഉടൻ പൊളിച്ചുമാറ്റണമെന്ന ആവശ്യം ശക്തം .

കാഞ്ഞിരപ്പള്ളി. ജനറൽ ആശുപത്രി വളപ്പിൽ ഉപയോഗിക്കാതെ കിടക്കുന്ന പഴയ കാന്റീൻ കെട്ടിടം ഉൾപ്പെടെയുള്ള ഉപയോഗശൂന്യമായ പഴയ കെട്ടിടങ്ങൾ പൊളിച്ചുമാറ്റണം എന്ന ആവശ്യം ശക്തമായി . പഴയ കന്റീൻ കെട്ടിടം അതീവ ശോചനീയാവസ്ഥയിലാണ്. മേൽക്കൂര നശിച്ച കെട്ടിടത്തിന്റെ മുകളിൽ ടാർപോളിൻ വലിച്ചു കെട്ടിയാണ് ഏറെക്കാലം കന്റീൻ ഇവിടെ പ്രവർത്തിച്ചിരുന്നത്. എന്നാൽ കാന്റീൻ പുതിയ കെട്ടിടത്തിലേക്ക് മാറിയതോടെ പഴയ കാന്റീൻ കെട്ടിടം പൂർണമായും അടച്ചിട്ടിരിക്കുകയാണ് . ജീവന് ഭീഷണിയായി നിലകൊള്ളുന്ന, ബലക്ഷയം ഉള്ള ഈ കെട്ടിടം ഉടൻ പൊളിച്ചുമാറ്റേണ്ടത് അത്യവശ്യമാണ്.

പുതിയ പോസ്റ്റ്മോർട്ടം മുറിയും മോർച്ചറിയും നിർമിച്ചതോടെ ഇവ പ്രവർത്തിച്ചിരുന്ന പഴയ കെട്ടിടങ്ങളും ഒഴിഞ്ഞുകിടക്കുകയാണ്. പുതിയ കാന്റീന് മുൻപിൽ “പോസ്റ്റ്മോർട്ടം മുറി” എന്ന ബോർഡുമായി പഴയ പോസ്റ്റ്മോർട്ടം മുറി സ്ഥിതി ചെയ്യുന്നത് ക്യാന്റീനിൽ ഭക്ഷണം കഴിക്കുവാൻ കയറുന്നവർക്ക് മാനസികമായി ബുദ്ധിമുട്ടുണ്ടാക്കുന്നു . അത് എത്രയും വേഗം പൊളിച്ചുമാറ്റണമെന്ന ആവശ്യവും ശക്തമാണ് .