സെയ്ത്.എം. താജു – കെ.എസ്.യു കോട്ടയം ജില്ലാ ജനറൽ സെക്രട്ടറി
കാഞ്ഞിരപ്പള്ളി : കെ.എസ്.യു കോട്ടയം ജില്ലാ ജനറൽ സെക്രട്ടറിയായി സെയ്ത്.എം. താജു തിരഞ്ഞെടുക്കപ്പെട്ടു. കലാലയ രാഷ്ട്രീയത്തിലും, പൊതു പ്രവർത്തനങ്ങളിലും സജീവസാനിധ്യമാണ് അദ്ദേഹം. ചങ്ങനാശ്ശേരി എസ്.ബി കോളേജിലെ ശതബ്‌ദി ആഘോഷ വർഷത്തിലെ യൂണിയൻ ഭാരവാഹിയായി തിരഞ്ഞെടുക്കപെടുകയും ചെയ്തു.
രാഷ്ട്രീയത്തിൽ ഉപരി സാമൂഹ്യ പ്രവർത്തനങ്ങൾക്കും മുൻനിരയിലാന്ന്
സെയ്ത്.എം. താജു.
കോളേജ് രാഷ്ട്രീയത്തിന്റെ ഭാഗമായി ധാരാളം സമരപരിപാടികൾക്ക് നേതൃത്വം വഹിച്ചിട്ടുണ്ട്.കോവിഡ് മഹാമാരിയുടെ സമയത്ത് പഞ്ചായത്ത് സന്നദ്ധ സംഘടനകളുടെ നേതൃത്വത്തിൽ നടന്ന മഹാമാരിയുടെ പ്രതിരോധ പ്രവർത്തങ്ങൾക്ക് പൂർണ പിന്തുണയുമായി മുൻപന്തി യിലായിരുന്നു. ഗ്രാമ പഞ്ചായത്ത് മുൻ പ്രസിഡന്റ് അഡ്വ.പി. എ.ഷമീറിന്റെ നേതൃത്വത്തിൽ വാർഡിൽ നടന്ന വാക്‌സിൻ രെജിസ്ട്രേഷൻ, ഭക്ഷണവിതരണം തുടങ്ങിയ ,കോവിഡ് പ്രതിരോധ പ്രവർത്തനങ്ങൾക്കും നേതൃത്വം നൽകുകയും ചെയ്തു.
ഓൺലൈൻ പഠന കാലത്ത് അർഹരായ ഫോൺ ഇല്ലാത്ത കുട്ടികൾക്കു ഫോൺ എത്തിക്കാൻ വേണ്ടി സെയ്ത്.എം. താജുവിന്റെ നേതൃത്വത്തിൽ ചപ്പാത്തി ചലഞ്ച് നടത്തിയത് ഏറെ ശ്രദ്ധ നേടിയിരുന്നു.
അതൊടൊപ്പം മാസ്ക്, കുട്ടികൾക്ക് പുസ്തകം, oxometer എന്നിവ കൈമാറാൻ അദ്ദേഹം മുൻപന്തിയിൽ ആയിരുന്നു.
കോളേജ് യൂണിറ്റ് സെക്രട്ടറി, കാഞ്ഞിരപ്പള്ളി കെ. എസ്.യു. മണ്ഡലം ജനറൽ സെക്രട്ടറി, കാഞ്ഞിരപ്പള്ളി ബ്ലോക്ക് വൈസ് പ്രസിഡന്റ് എന്നീ നിലകളിലും മികച്ച പ്രവർത്തനം കാഴ്ചവച്ചിട്ടുണ്ട്