അമൽജ്യോതി അലൂമിനി മീറ്റിങ് കൊച്ചിയിൽ നടന്നു.
കാഞ്ഞിരപ്പള്ളി അമൽജ്യോതി എഞ്ചിനീയറിംഗ് കോളേജിന്റെ അമൽജ്യോതി അലൂമിനി അസോസിയേഷൻ (AAAJ) കൊച്ചി ചാപ്റ്ററിന്റെ ഉദ്ഘാടനം കോളേജ് മാനേജരും അലൂമിനി അസോസിയേഷൻ പ്രസിഡന്റുമായ ഫാ. ഡോ. മാത്യു പായിക്കാട്ട് നിർവഹിച്ചു . തദവസരത്തിൽ ഡോ. സെഡ്.വി. ളാകപ്പറമ്പിൽ (അമൽജ്യോതി ഡയറക്ടർ) ഡോ. ലില്ലി ക്കുട്ടി ജേക്കബ് (പ്രിൻസിപ്പൽ), ഡോ. മിനി മാത്യു (അലൂമിനി ഡീൻ) എന്നിവരും സന്നിഹിതരായിരുന്നു.
കൊച്ചി ചാപ്റ്ററിന്റെ പ്രസിഡൻറായി രാഹുൽ ചിറക്കൽ, സെക്രട്ടറി ധന്യ ഗോപിനാഥൻ, കോ-ഓർഡിനേറ്റർ റോഷൻ ഈസൂട്ടി, ട്രഷറർ സിൽവിയ ബെന്നി എന്നിവരെ തിരഞ്ഞെടുത്തു. AAAJ യുടെ മുമ്പോട്ടുള്ള പ്രയാണത്തിൽ കരുത്തേകുവാനുള്ള കാഴ്ചപ്പാടുകൾ ഓരോരുത്തരും വിശദീകരിച്ചു.