ജലജീവൻ പദ്ധതി: വട്ടക്കാവിൽ ജലസംഭരണി നിർമാണം തുടങ്ങി

മുണ്ടക്കയം ∙ പഞ്ചായത്തിൽ നടപ്പാക്കുന്ന ജലജീവൻ പദ്ധതിയുടെ ഭാഗമായി വട്ടക്കാവിൽ ജലസംഭരണിയുടെ നിർമാണം ആരംഭിച്ചു. പഞ്ചായത്ത് പ്രസിഡന്റ് രേഖ ദാസ് നിർമാണോദ്ഘാടനം നിർവഹിച്ചു. വെള്ളനാടി മൂരിക്കയത്ത് നിർമിക്കുന്ന ചെക്ക് ഡാമിൽ നിന്നു വെള്ളം പമ്പ് ചെയ്ത് അമരാവതി പത്തേക്കറിൽ നിർമിക്കുന്ന 3 ലക്ഷം ലീറ്റർ സംഭരണശേഷിയുള്ള ശുദ്ധീകരണ പ്ലാന്റിൽ ശേഖരിക്കുകയാണ് ചെയ്യുക.

അവിടെ നിന്ന് ജലം സിയോൺ കുന്ന്, പുലിക്കുന്ന്, വരിക്കാനി, ചെളിക്കുഴി, പറത്താനം, ആഴംമല, ചെറുമല എന്നിവിടങ്ങളിൽ ജലസംഭരണികൾ സ്ഥാപിച്ച് പഞ്ചായത്തിലെ മുഴുവൻ വാർഡുകളിലും ജലവിതരണം ചെയ്യാനാണ് പദ്ധതി ലക്ഷ്യമിടുന്നത്.