സ്‌കൂട്ടറിനും കാറിനും പിന്നില്‍ ബൈക്കുകള്‍ ഇടിച്ചു. വീട്ടമ്മയ്ക്ക് പരിക്കേറ്റു.
ഇളങ്ങുളം: പാലാ പൊൻകുന്നം- റോഡിൽ കൂരാലിയിൽ ഇളങ്ങുളം ബാങ്കിന് മുന്‍പില്‍ സ്‌കൂട്ടറിനും കാറിനും പിന്നില്‍ ബൈക്കുകള്‍ ഇടിച്ചു. സ്‌കൂട്ടറിന്റെ പിന്നിലിരുന്നു യാത്ര ചെയ്ത ഇളങ്ങുളം എസ്.എൻ.ഡി.പി.പടിക്ക് സമീപം താമസിക്കുന്ന കാവാലിമാക്കൽ മുഹമ്മദ് ബഷീറിന്റെ ഭാര്യ ഷൈലജ ബഷീർ(55)ന് പരിക്കേറ്റു.ഇവരെ ചേർപ്പുങ്കലിൽ സ്വകാര്യാശുപത്രിയിൽ പ്രവേശിപ്പിച്ചു.മകൾ ഷേർമി (32) നിസ്സാരപരിക്കുകളോടെ രക്ഷപ്പെട്ടു.
അപകടം കണ്ട് ഇവിടെ നിര്‍ത്തിയ കാറിന് പിന്നില്‍ മറ്റൊരു ബൈക്ക് വന്നിടിച്ചു. ഇരു ബൈക്കിലേയും യാത്രികര്‍ക്ക് പരിക്കില്ല.തിങ്കളാഴ്ച ഉച്ചകഴിഞ്ഞ് ഒന്നരയോടെയായിരുന്നു അപകടം. പൊന്‍കുന്നം പോലീസ് സ്ഥലത്തെത്തി മേല്‍ നടപടി സ്വീകരിച്ചു