അഞ്ച് ദിവസത്തെ ശമ്പളം നൽകും : ദീപം കൊളുത്തി എരുമേലി ആരോഗ്യ വിഭാഗം.

എരുമേലി : വയനാട് ഉരുൾപൊട്ടൽ ദുരന്തത്തിൽ മരിച്ചവർക്ക് അശ്രുപൂജയായി ആരോഗ്യ വകുപ്പിന്റെ എരുമേലിയിലെ ജീവനക്കാർ പ്രാർത്ഥനയോടെ ദീപം കൊളുത്തി. ദുരിതാശ്വാസ ഫണ്ടിലേക്ക് അഞ്ച് ദിവസത്തെ ശമ്പളം നൽകാനും തീരുമാനിച്ചു.

എരുമേലി സർക്കാർ ആശുപത്രിയിൽ നടന്ന ചടങ്ങിൽ മെഡിക്കൽ ഓഫിസർ റെക്സൺ പോൾ, ഡോ. ജോർജ്ജ് കുര്യൻ, ഡോ. ധന്യ സുശീലൻ, ഹെൽത്ത് സൂപ്പർവൈസർ ശ്രീകുമാർ, ഹെൽത്ത് ഇൻസ്പെക്ടർ ഷാജി കറുകത്ര , ജൂനിയർ ഹെൽത്ത് ഇൻസ്പെക്ടർമാരായ സന്തോഷ് ശർമ്മ, സജിത്, ജിതിൻ, ക്ലർക്ക് സജിലാൽ എന്നിവർ അനുശോചനങ്ങൾ രേഖപ്പെടുത്തി