അഖിലകേരള വിശ്വകർമ മഹാസഭ ഋഷിപഞ്ചമി ആഘോഷം നാളെ

കാഞ്ഞിരപ്പള്ളി ∙ അഖിലകേരള വിശ്വകർമ മഹാസഭയുടെ കാഞ്ഞിരപ്പള്ളി, മീനച്ചിൽ, വൈക്കം, കോട്ടയം, ചങ്ങനാശേരി യൂണിയനുകൾ ചേർന്നു നാളെ പൊൻകുന്നത്തു ഋഷിപഞ്ചമി ആഘോഷം നടത്തുമെന്നു ഭാരവാഹികൾ അറിയിച്ചു. ഗവ. ചീഫ് വിപ് എൻ.ജയരാജ് ഉദ്ഘാടനം ചെയ്യും.

കാഞ്ഞിരപ്പള്ളി യൂണിയൻ പ്രസിഡന്റ് കെ.എൻ.മോഹൻദാസ് രാവിലെ 7നു കാഞ്ഞിരപ്പള്ളി 347 നമ്പർ ശാഖാ മന്ദിരത്തിൽ പതാക ഉയർത്തും.

തുടർന്നു വിശ്വകർമപൂജ നടത്തും. ഉച്ചകഴിഞ്ഞ് പൊൻകുന്നം പഞ്ചായത്ത് ടൗൺ ഹാളിൽ പൊതുസമ്മേളനം സംസ്ഥാനസഭ കൗൺസിലർ പി.വി. രാജേഷ് പടിയപ്പള്ളിലിന്റെ അധ്യക്ഷതയിൽ ഗവ. ചീഫ് വിപ് എൻ.ജയരാജ് ഉദ്ഘാടനം ചെയ്യും.

വയനാട് ദുരന്തത്തിന്റെ പശ്ചാത്തലത്തിൽ ഘോഷയാത്ര ഉൾപ്പെടെയുള്ള ആഘോഷപരിപാടികൾ ഒഴിവാക്കിയതായി ഭാരവാഹികളായ കെ.എൻ.മോഹൻദാസ്, പി.വി.രാജേഷ് പടിയപ്പള്ളിൽ, ടി.സി.രവീന്ദ്രൻ, പി.ജി.തങ്കപ്പൻ എന്നിവർ അറിയിച്ചു.