ഡിവൈഎഫ്ഐ നിർമിച്ച വീട് കൈമാറി

പൊൻകുന്നം ∙ വെള്ളപ്പൊക്കത്തിൽ വീട് നഷ്ടപ്പെട്ട ചിറക്കടവ് പറപ്പള്ളിത്താഴെ വടക്കേടത്ത് ബിബിനും കുടുംബത്തിനും ഡിവൈഎഫ്ഐ ജില്ലാ കമ്മിറ്റി നിർമിച്ചു നൽകിയ വീടിന്റെ താക്കോൽ സംസ്ഥാന പ്രസിഡന്റ് വി.വസീഫ്, സിപിഎം ജില്ലാ സെക്രട്ടറി എ.വി.റസൽ എന്നിവർ ചേർന്ന് കുടുംബത്തിന് കൈമാറി. സമ്മേളനം വി.വസീഫ് ഉദ്ഘാടനം ചെയ്തു. ജില്ലാ പ്രസിഡന്റ് മഹേഷ് ചന്ദ്രൻ അധ്യക്ഷത വഹിച്ചു.

ജില്ലാ സെക്രട്ടറി ബി.സുരേഷ് കുമാർ, സിപിഎം ജില്ലാ കമ്മിറ്റിയംഗങ്ങളായ ഗിരീഷ് എസ്.നായർ, സജേഷ് ശശി, ഏരിയ സെക്രട്ടറി വി.ജി.ലാൽ, ലോക്കൽ സെക്രട്ടറി കെ.കെ.സന്തോഷ് കുമാർ, ഡിവൈഎഫ്ഐ സംസ്ഥാന കമ്മിറ്റിയംഗം അർച്ചന സദാശിവൻ, ബ്ലോക്ക് പ്രസിഡന്റ് എസ്.ദീപു, സെക്രട്ടറി ബി.ഗൗതം, ട്രഷറർ ശ്രീകാന്ത് പി.തങ്കച്ചൻ എന്നിവർ പ്രസംഗിച്ചു.

നാലംഗ കുടുംബത്തിന് 760 ചതുരശ്ര അടി വിസ്തീർണമുള്ള വീടാണ് നിർമിച്ചു നൽകിയത്. നിർമാണത്തിൽ പങ്കാളികളായവരെ ചടങ്ങിൽ ആദരിച്ചു.