ചിറക്കടവിൽ കാവടിയാട്ടം ശനിയാഴ്ച

ചിറക്കടവ്: മഹാദേവക്ഷേത്രത്തിൽ അഷ്ടമി ഉത്സവത്തിന്റെ ഭാഗമായി കാവടിയാട്ടം ശനിയാഴ്ച നടക്കും. 

തെക്കേത്തുകവല താന്നുവേലിൽ ധർമശാസ്താക്ഷേത്രം, പൊൻകുന്നം പുതിയകാവ്, ചിറക്കടവ് മണക്കാട്ട് ഭദ്രാക്ഷേത്രം എന്നിവിടങ്ങളിൽ നിന്ന് രാവിലെ 9.30-ന് ഘോഷയാത്രകൾ പുറപ്പെടും. 12-ന് ചിറക്കടവ് മഹാദേവക്ഷേത്രത്തിന്റെ കിഴക്കേനടയിൽ കാവടിസംഗമം. 12.30-ന് പ്രസാദമൂട്ട്, വൈകീട്ട് 6.30-ന് അഷ്ടമിവിളക്ക്. വെള്ളിയാഴ്ച കാവടിക്കാർ പൊൻകുന്നം പുതിയകാവ് ദേവീക്ഷേത്രം, ചിറക്കടവ് മണക്കാട്ട് ഭദ്രാക്ഷേത്രം എന്നിവിടങ്ങളിലേക്ക് ദർശനഘോഷയാത്ര നടത്തി.

ചിറക്കടവ് മഹാദേവക്ഷേത്രത്തിലെ അഷ്ടമി ഉത്സവത്തിന്റെ ഭാഗമായി കാവടിക്കാർ പൊൻകുന്നം പുതിയകാവ് ദേവീക്ഷേത്രത്തിൽ ദർശനത്തിന് ശേഷം ചിറക്കടവ് മണക്കാട്ട് ഭദ്രാക്ഷേത്രത്തിലേക്ക് ഘോഷയാത്ര നടത്തുന്നു.