ബസും കാറും ഇടിച്ച് അയ്യപ്പ ഭക്തർക്ക് പരിക്ക്.
കണമല : ശബരിമല പാതയിൽ തീർത്ഥാടക വാഹനങ്ങൾ കൂട്ടിയിടിച്ച് അപകടം. എട്ട് തീർത്ഥാടകർക്ക് പരിക്ക്. ആരുടേയും പരിക്ക് ഗുരുതരമല്ല.
വെള്ളിയാഴ്ച ഉച്ചക്ക് തുലാപ്പള്ളിയിൽ ആണ് അപകടം സംഭവിച്ചത് . ശബരിമല തീർഥാടകർ സഞ്ചരിച്ച ഇന്നോവയും ബസും കൂട്ടിയിടിയ്ക്കുകയായിരുന്നു. അമിത വേഗതയിൽ പാഞ്ഞ ഇന്നോവ കാർ എതിരെ വന്ന ബസിൽ ഇടിയ്ക്കുകയായിരുന്നെന്ന് നാട്ടുകാർ പറഞ്ഞു. പോലിസ്, ഫയർ ഫോഴ്സ് സംഘങ്ങൾ എത്തി വാഹനങ്ങൾ റോഡിൽ നിന്നും നീക്കി.