ചിറക്കടവ് ഗ്രാമപഞ്ചായത്ത് മെഗാ തൊഴിൽമേള

പൊൻകുന്നം : ചിറക്കടവ് ഗ്രാമപഞ്ചായത്ത് സംസ്ഥാന യുവജന കമ്മീഷനും കുടുംബശ്രീയുടെയും സഹകരണത്തോടെ മെഗാ തൊഴിൽമേള ഉദ്യോഗാർത്ഥികളുടെ പങ്കാളിത്തം കൊണ്ട് ശ്രദ്ധേയമായി. 1600ഓളം ഉദ്യോഗാർത്ഥികൾ തൊഴിൽമേളയിൽ രജിസ്റ്റർ ചെയ്തു. തെരഞ്ഞെടുക്കപ്പെട്ട 40 ഓളം കമ്പനികൾ തൊഴിൽമേളയിൽ ഇന്റർവ്യൂ നടത്തി. 219 പേർക്ക് സ്‌പോർട്‌സ് സെലക്ഷൻ കിട്ടി. ചുരുക്ക പട്ടികയിൽ 346 പേർ ഉൾപ്പെട്ടു .

തൊഴിൽമേള ഗവ.ചീഫ് വീപ്പ്. ഡോക്ടർ എൻ ജയരാജ് ഉദ്ഘാടനം ചെയ്തു. ചിറക്കടവ് ഗ്രാമപഞ്ചായത്ത് പ്രസിഡന്റ് അഡ്വ.സി ആർ ശ്രീകുമാർ അധ്യക്ഷത വഹിച്ചു. ഈ യോഗത്തിൽ പത്തനംതിട്ട എംപി ആന്റോ ആന്റണി മുഖ്യ പ്രഭാഷണം നടത്തി. മുൻ ധനകാര്യ വകുപ്പ് മന്ത്രിയും വിജ്ഞാന കേരള സംസ്ഥാന അഡൈ്വസർ കൂടിയായ തോമസ് ഐസക്, മേളയിൽ പങ്കെടുത്ത് പഞ്ചായത്തിന്റെ മാതൃകാ പ്രവർത്തനങ്ങളെ അഭിനന്ദിക്കുകയും തുടർപ്രവർത്തനങ്ങൾക്ക് നിർദ്ദേശം നൽകുകയും ചെയ്തു.

വൈസ് പ്രസിഡന്റ് സതി സുരേന്ദ്രൻ,വികസന സ്റ്റാൻഡിങ് കമ്മിറ്റി ചെയർപേഴ്‌സൺ സുമേഷ് ആൻഡ്രൂസ്, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്‌സൺ ആന്റണി മാർട്ടിൻ, ക്ഷേമകാര്യ സ്റ്റാൻഡിങ് കമ്മിറ്റി ചെയർപേഴ്‌സൺ ശോഭന മുട്ടത്ത്,, ബ്ലോക്ക് അംഗങ്ങളായ ഷാജി പാമ്പൂരി, ബി രവീന്ദ്രൻ നായർ,മിനി സേതുനാഥ്, ഗ്രാമപഞ്ചായത്ത് ജനപ്രതിനിധികളായ ഐ എസ് രാമചന്ദ്രൻ, അമ്പിളി ശിവദാസ്, ശ്രീലത സന്തോഷ് രാജേഷ് കെജി എം ജി വിനോദ്, സിന്ധു ദേവി അഭിലാഷ് ബാബു അനിരുദ്ധൻ നായർ അഡ്വക്കേറ്റ് ജയാ ശ്രീധർ, ലീന കൃഷ്ണകുമാർ,ഷാക്കി സജീവ്,സിഡിഎസ് ചെയർപേഴ്‌സൺ ഉഷ പ്രകാശ്, പഞ്ചായത്ത് അസിസ്റ്റന്റ് സെക്രട്ടറി സിന്ധു മോൾ എസ് തുടങ്ങിയവർ പങ്കെടുത്തു . സെലക്ഷൻ കിട്ടാത്ത ഉദ്യോഗാർത്ഥികൾക്ക് പരിശീലനം നടത്തി പ്രാപ്തരാക്കുകയും വീണ്ടും അവർക്കായി തൊഴിൽമേള സംഘടിപ്പിക്കുമെന്നും പഞ്ചായത്ത് പ്രസിഡന്റ് അഡ്വ സി.ആർ ശ്രീകുമാർ അറിയിച്ചു.