കാഞ്ഞിരപ്പള്ളി പഴയപള്ളി, സെന്റ് ഡൊമിനിക്‌സ് കത്തീഡ്രൽ സംയുക്ത തിരുനാൾ ജനുവരി 27 മുതൽ 31 വരെ.

കാഞ്ഞിരപ്പള്ളി: സെന്റ് ഡൊമിനിക്സ് കത്തീഡ്രലിലും മേജർ ആർക്കി എപ്പിസ്കോപ്പൽ മരിയൻ തീർഥാടന കേന്ദ്രമായ പഴയപള്ളിയിലും പരിശുദ്ധ കന്യകമറിയത്തിന്റെയും വിശുദ്ധ ഡൊമിനിക്കിന്റെയും വിശുദ്ധ സെബസ്ത്യാനോസിന്റെയും സംയുക്ത തിരുനാൾ 27 മുതൽ 31 വരെ നടക്കും.

27നു രാവിലെ 6.30ന് കത്തീഡ്രലിൽ വിശുദ്ധ കുർബാന, വൈകുന്നേരം 4.30ന് കൊടിയേറ്റ്, വിശുദ്ധ കുർബാന – റവ.ഡോ. കുര്യൻ താമരശേരി.

28നു രാവി ലെ 6.30ന് വിശുദ്ധ കുർബാന, വൈകുന്നേരം 4.30ന് വിശുദ്ധ കുർബാന. തുടർന്ന് കത്തീഡ്രൽ പള്ളിയിൽനിന്ന് പുത്തനങ്ങാടി വ ഴി പഴയപള്ളിയിലേക്ക് പ്രദക്ഷിണം, 6.30ന് പഴയപള്ളിയിൽ കൊടിയേറ്റ്, വിശുദ്ധ കുർബാന.

29നു രാവിലെ അഞ്ചിനും 6.30നും ഒമ്പ തിനും ഉച്ചയ്ക്ക് 12നും രാത്രി ഏഴിനും വിശുദ്ധ കുർബാന. വൈകുന്നേരം 4.30ന് നടക്കുന്ന വിശുദ്ധ കുർബാനയ്ക്ക് കാഞ്ഞിരപ്പള്ളി മുൻ രൂപതാധ്യക്ഷൻ മാർ മാത്യു അറയ്ക്കൽ മുഖ്യകാർമികത്വം വഹിക്കും. ആറിന് മേലാട്ടുതകിടിയിൽ നിന്ന് കഴുന്ന് പ്രദക്ഷിണം പള്ളിയിലെത്തും, 6.15ന് ദിവ്യകാരുണ്യപ്രദക്ഷിണം.

30നു രാവിലെ അഞ്ചിനും 6.30നും ഒമ്പതിനും 12നും വൈകുന്നേരം 4.30നും വിശുദ്ധ കുർബാന, ആറിന് പുളിമാവിൽനിന്ന് കഴുന്ന് പ്രദക്ഷിണം പള്ളിയിലെത്തുന്നു, 6.15 ന് ടൗൺ ചുറ്റി തിരുനാൾ പ്രദക്ഷിണം, തുടർന്ന് ആകാശ വിസ്മ‌യം.

31നു രാവിലെ അഞ്ചിനും 6.30നും 9.30നും 12നും രണ്ടിനും വിശുദ്ധ കുർബാന, വൈകുന്നേരം 4.30ന് നടക്കുന്ന വിശുദ്ധ കുർബാനയ്ക്ക് കാഞ്ഞിരപ്പള്ളി രൂപതാധ്യക്ഷൻ മാർ ജോസ് പുളിക്കൽ കാർമികത്വം വഹിക്കും. 6.30ന് പള്ളിചുറ്റി പ്രദക്ഷിണം.

തിരുനാൾ ദിവസങ്ങളിൽ രൂപത വികാരി ജനറാൾമാരായ റവ. ഡോ. ജോസഫ് വെള്ളമറ്റം, റവ. ഡോ. സെബാസ്റ്റ്യൻ കൊല്ലംകുന്നേൽ, ഫാ. ബോബി അലക്‌സ് മണ്ണംപ്ലാക്കൽ എന്നിവർ വിശുദ്ധ കുർബാന അർപ്പിക്കും.

തിരുനാളിന്റെ വിജയകരമായ നടത്തിപ്പിന് കത്തീഡ്രൽ വികാരി ആർച്ച്പ്രീസ്റ്റ് റവ. ഡോ. കുര്യൻ താമരശേരി, അസിസ്റ്റന്റ് വികാരിമാരായ ഫാ. ജോസഫ് ആലപ്പാട്ടുകുന്നേൽ, ഫാ. തോമസ് മുളങ്ങാശേരിൽ, റെക്‌ടർ ഫാ. തോമസ് നല്ലൂർകാലായിപ്പറമ്പിൽ, കൈക്കാരന്മാരായ കെ.സി. ഡൊമിനിക് കരിപ്പാപ്പറമ്പിൽ, ഏബ്രഹാം കെ. അലക്സ് കൊല്ലംകുളം, പി.കെ. കുരുവിള പിണമറുകിൽ, ടി.സി. ചാക്കോ വാവലുമാക്കൽ, തിരുനാൾ കൺവീനർ ബിജു പത്യാല എന്നിവരുടെ നേതൃത്വത്തിൽ വിവിധ കമ്മിറ്റികൾ പ്രവർത്തിച്ചുവരുന്നു.