കാഞ്ഞിരപ്പള്ളി ബ്ലോക്ക് പഞ്ചായത്ത് 2026 – 2027 വർഷത്തേക്കുള്ള വാർഷിക ബഡ്ജറ്റ് അവതരിപ്പിച്ചു.

കാഞ്ഞിരപ്പള്ളി: ബ്ലോക്ക് പഞ്ചായത്ത് 2026 – 2027 വർഷത്തേക്കുള്ള വാർഷിക ബഡ്ജറ്റ് വൈസ് പ്രസിഡന്റ് റോസമ്മ ആഗസ്തി അവതരിപ്പിച്ചു. 53.85 കോടി രൂപ വരവും 50.50 കോടി രൂപ ചിലവും 3.34 കോടി രൂപ മിച്ചവുമുള്ള ബഡ്ജറ്റാണ് അവതരിപ്പിച്ചത്. ഭവന നിർമ്മാണം 1.71 കോടി, കുടിവെള്ളം ശുചിത്വം 1.20 കോടി, വനിതകൾ, കുട്ടികൾ, ഭിന്നശേഷിക്കാർ, വയോജനങ്ങൾ 1.75 കോടി, പട്ടികജാതി, പട്ടികവർഗ്ഗ ക്ഷേമം 3 കോടി, യുവജനക്ഷേമം 20.50 ലക്ഷം, കാഞ്ഞിരപ്പള്ളി പഞ്ചായത്ത് മിനി ബൈപ്പാസ് 28 ലക്ഷം, എല്ലാ പഞ്ചായത്തുകളിലും വനിത ഓപ്പൺ ജിം 59.50 ലക്ഷം, ബ്ലോക്ക് പഞ്ചായത്തിന്റെ 16 ഡിവിഷനിലും മിനി മാസ്റ്റ് ലൈറ്റ് സ്ഥാപിക്കൽ 25.60 ലക്ഷം, ക്ഷീര കർഷകർക്ക് പാലിന് സബ്സിഡിയും കാലിത്തീറ്റ വിതരണവും 20 ലക്ഷം, അങ്കണവാടി കുട്ടികൾക്ക് പോഷകാഹാര വിതരണം 24 ലക്ഷം, ഭിന്നശേഷി കുട്ടികൾക്ക് സ്കോളർഷിപ്പ് 24 ലക്ഷം, താത്കാലിക ഡോക്ടർമാരുടെയും ആരോഗ്യപ്രവർത്തകരുടെയും വേതനം 45 ലക്ഷം, മുണ്ടക്കയം കുടുംബാരോഗ്യ കേന്ദ്രത്തിൽ സോളാർ പാനൽ സ്ഥാപിക്കൽ 40 ലക്ഷം എന്നിവയാണ് പ്രധാന പദ്ധതികൾ.

പ്രസിഡന്റ് അഡ്വ.പി.എ.ഷെമീറിന്റെ അധ്യക്ഷതയിൽ, സ്ഥിരം സമിതി അധ്യക്ഷന്മാരായ ബിനു മറ്റക്കര, വി.ടി അയൂബ്ഖാൻ, സിനിമോൾ തടത്തിൽ, ബ്ലോക്ക് പഞ്ചായത്തംഗങ്ങളായ പ്രകാശ് പുളിക്കൻ, ബേബി വട്ടക്കാട്ട്, സോഫി ജോസഫ്, ജോണിക്കുട്ടി മഠത്തിനകം, റോസമ്മ ജോൺ, സിനി ജിബു, ആൻസി സെബാസ്റ്റ്യൻ, അഡ്വ. പി.ജി.സൂര്യകല, കെ.കെ.സദാനന്ദൻ, അനീറ്റമോൾ ആന്റണി, കിരൺ രാജൻ, സെക്രട്ടറി സജീഷ് പണിക്കർ, ഗ്രാമപഞ്ചായത്ത് പ്രസിഡന്റുമാരായ ലിതാ ഷാജി, സൂസമ്മ മാത്യു, സുനി പത്യാല, ആൻസി അഗസ്റ്റിൻ, അന്നമ്മ വർഗീസ്, അമ്പിളി സജീവൻ, എന്നിവർ പ്രസംഗിച്ചു.

പടം അടിക്കുറിപ്പ്:
കാഞ്ഞിരപ്പള്ളി ബ്ലോക്ക് പഞ്ചായത്ത് 2026 – 27 വാർഷിക ബഡ്ജറ്റ് വൈസ് പ്രസിഡന്റ് റോസമ്മ ആഗസ്തി അവതരിപ്പിക്കുന്നു. ജോണിക്കുട്ടി മഠത്തിനകം, സിനിമോൾ തടത്തിൽ, അഡ്വ. പി.എ ഷെമീർ, വി.ടി. അയൂബ് ഖാൻ, ബിനു മറ്റക്കര , എസ്. സജീഷ് എന്നിവർ സമീപം.