ഡോ.സി.പി.എസ്. പിള്ളയ്‌ക്ക് പൊൻകുന്നത്ത് സ്മാരകം നിർമിക്കും
പൊൻകുന്നം : മണക്കാട്ട് ദേവസ്വം പ്രസിഡൻറും ജനകീയ ഡോക്ടറുമായിരുന്ന ചാപ്പമറ്റത്തിൽ സി.പി.എസ്.പിള്ളക്ക് വിവിധ സംഘടനകളുടെ സഹകരണത്തോടെ മണക്കാട്ട് ദേവസ്വത്തിന്റെ നേതൃത്വത്തിൽ പൊൻകുന്നത്ത് സ്മാരകം നിർമിക്കും. കഴിഞ്ഞ ദിവസം അന്തരിച്ച ഡോ.സി.പി.എസ്.പിള്ളയെ അനുസ്മരിക്കാൻ ചേർന്ന സർവകക്ഷി യോഗത്തിലാണ് ദേവസ്വം ഭാരവാഹികൾ തീരുമാനം അറിയിച്ചത്.
സുമേഷ് ശങ്കർ പുഴയനാൽ അധ്യക്ഷതവഹിച്ചു. ടി.പി. രവീന്ദ്രൻപിള്ള അനുശോചനപ്രമേയം അവതരിപ്പിച്ചു. ജില്ലാ പഞ്ചായത്തംഗം ടി.എൻ. ഗിരീഷ്‌കുമാർ, എൻ.എസ്.എസ്. യൂണിയൻ പ്രസിഡൻറ് അഡ്വ.എം.എസ്. മോഹൻ, ജലഅതോറിറ്റി അംഗം ഷാജി പാമ്പൂരി, സർക്കിൾ സഹകരണ യൂണിയൻ ചെയർമാൻ അഡ്വ.പി. സതീശ് ചന്ദ്രൻനായർ, ബി.ജെ.പി. സംസ്ഥാന കമ്മിറ്റിയംഗം കെ.ജി. കണ്ണൻ, ഉഷ ശ്രീകുമാർ, അഡ്വ.സുമേഷ് ആൻഡ്രൂസ്, ഗോപി പാറാംതോട്, അഡ്വ.അഭിലാഷ് ചന്ദ്രൻ, സാബു ജോർജ്, പി.എൻ. ദാമോദരൻപിള്ള, അഡ്വ.സുരേഷ് ടി.നായർ, കെ.ആർ.സുരേഷ് ബാബു, ടി.ജി. ഗോപാലകൃഷ്ണൻ നായർ, പി. പ്രസാദ്, ലാജി തോമസ് മാടത്താനിക്കുന്നേൽ, വി.എസ്. വിജയൻ, കെ.എൻ. പ്രസന്നകുമാർ എന്നിവർ പ്രസംഗിച്ചു.