സോളർ വഴിവിളക്കുകളിലെ ബാറ്ററികൾ മോഷ്ടിച്ചു
കാഞ്ഞിരപ്പള്ളി കാഞ്ഞിരംകവല റോഡിൽ സോളർ വഴിവിളക്കുകളിലെ ബാറ്ററികൾ മോഷണം പോയി. പിണ്ണാക്കനാട്, സിഎസ്ഐ പള്ളി ജം ക്ഷൻ മൂന്നാംമൈൽ എന്നിവിടങ്ങളിലെ ലൈറ്റുകളുടെ ബാറ്ററികളാണ് മോഷണം പോയത്.
നേരത്തേയും ഇത്തരത്തിൽ സോളർ ലൈറ്റുകളുടെ ബാറ്ററികൾ മോഷണം പോയിരുന്നു. അന്നു പ്രതികളെ പിടികൂടിയിരുന്നു. 3 ലൈറ്റുകളുടെ 6 ബാറ്ററികളാണു മോഷണം പോയത്. ബാറ്ററി സൂക്ഷിക്കുന്ന പെട്ടിയുടെ പൂട്ട് തകർത്താണു മോഷണം നടന്നിരിക്കുന്നത്. തിടനാട്, കാഞ്ഞി രപ്പള്ളി പൊലീസ് സ്റ്റേഷനുകളിൽ പരാതി നൽകി.