ആശാ വർക്കർമാരുടെ രാപ്പകൽ സമരജാഥക്ക് കാഞ്ഞിരപ്പള്ളിയിൽ സ്വീകരണം നൽകി

കാഞ്ഞിരപ്പള്ളി. കേരളത്തിലെ പൊതു സമൂഹം ഏറ്റെടുത്ത ആശാ വർക്കർമാരുടെ സമരം തൊഴിലാളി വർഗ പാർ =ട്ടിയെന്ന് മേനി നടിക്കുന്ന മാർക്സിസ്റ്റ് പാർട്ടിയുടെ ഇരട്ടത്താപ്പ് തുറന്നുകാട്ടിയെന്ന് ആശാ വർക്കർമാരുടെ രാപ്പകൽ സമര ജാഥയുടെ ക്യാപ്റ്റൻ എം .എ ബിന്ദു പറഞ്ഞു. ഓണറേറിയം വർദ്ധിപ്പിക്കുക, വിരമിക്കൽ ആനുകൂല്യം പ്രഖ്യാപിക്കുക തുടങ്ങിയ ആവശ്യങ്ങൾ ഉന്നയിച്ചുകൊണ്ട് കേരള ആശാ ഹെൽത്ത് വർക്കേഴ്സ് അസോസിയേഷൻ നടത്തുന്ന രാപ്പകൽ സമര യാത്രക്ക് യു.ഡി.എഫ് കാഞ്ഞിരപ്പള്ളി ടൗണിൽ നൽകിയ സ്വീകരണത്തിന് നന്ദി പറയുകയായിരുന്നു എം .എ ബിന്ദു.

കോൺഗ്രസ് കാഞ്ഞിരപ്പള്ളി ബ്ലോക്ക് പ്രസിഡന്റ് അഡ്വ പി ജീരാജിന്റെ അധ്യക്ഷതയിൽ ഡി.സി സി ജനറൽ സെക്രട്ടറി പ്രൊഫ റോണി കെ ബേബി ഉദ്ഘാടനം ചെയ്തു. ഡി സി സി ജനറൽ സെക്രട്ടറി അഡ്വ.പി.എ ഷെമീർ മുഖ്യപ്രഭാഷണം നടത്തി. കേരളാ ആശാ ഹെൽത്ത് വർക്കേഴ്സ് അസോസിയേഷൻ സംസ്ഥാന വൈസ് പ്രസിഡന്റ് എസ് മിനി, അബ്ദുൾ കരീം മുസലിയാർ, ബിജു പത്യാല, നാസർ കോട്ടവാതിൽക്കൽ, സുനിൽ തേനമ്മാക്കൽ, ഡാനി ജോസ് കുന്നത്ത്, സ്വാഗത സംഘം കോ ഓർഡിനേറ്റർ കെ പി മായാമോൾ, സ്റ്റെനിസ്ലാവോസ് വെട്ടിക്കാട്ട്, ദിലീപ് ചന്ദ്രൻ, വി എസ് അൻഷുമോൻ, സിൻഷാ അഷറഫ്, ലൂസി ജോർജ്ജ്, ഷാജി ആനിത്തോട്ടം, ടി എസ് നിസു, സജി ഇല്ലത്തുപറമ്പിൽ, റസിലി ആനിത്തോട്ടം, സഫറുള്ളാ ഖാൻ, സക്കീർ കല്ലുങ്കൽ എന്നിവർ പ്രസംഗിച്ചു.