ചിറക്കടവ് മണക്കാട്ട് ക്ഷേത്രത്തിൽ ഉത്സവം ഡിസംബർ 27 മുതൽ ജനുവരി ഒന്നുവരെ

പൊൻകുന്നം : ചിറക്കടവ് മണക്കാട്ട് ഭദ്രാ ക്ഷേത്രത്തിൽ 27 മുതൽ ജനുവരി ഒന്നുവരെ ഉത്സവം നടക്കും.
27ന് രാവിലെ 7.30ന് നാരായണിയപാരായണം, വൈകിട്ട് 5ന് ചിറക്കടവ് മഹാദേവക്ഷേത്രത്തിൽ നിന്ന് കൊടിക്കൂറ ഘോഷയാത്ര, 6.15ന് പെരുന്നാട്ടില്ലം കേശവൻ നമ്പൂതിരി കൊടിക്കുറയും കൊടിക്കയറും സമർപ്പിക്കും. ഏഴിന് തന്ത്രിമാരായ ചെങ്ങഴശ്ശേരിയില്ലം സന്തോഷ് നമ്പൂതിരി, താഴത്തുമന സുരേഷ് നമ്പൂതിരി, മേൽശാന്തി കെ.എസ്.രഞ്ജിത് നമ്പൂതിരി എന്നിവരുടെ കാർമികത്വത്തിൽ കൊടിയേറ്റ്, അജയ് പ്രസാദിന്റെ പഞ്ചാരിമേളം, അരങ്ങിൽ വാഴൂർ തീർഥപാദാശ്രമ കാര്യദർശി സ്വാമി ഗരുഡധ്വജാനന്ദ തീർഥപാദർ ദീപം തെളിക്കും. ഡോ.ശാന്തകുമാരി ആനുവേലിൽ, ലെഫ്.കേണൽ സുനിൽ എസ്.പിള്ള കൂടല്ലൂർ എന്നിവരെ ആദരിക്കും. തുടർന്ന് വി.ആർ.ബാബുവിന്റെ ഭക്തിഗാനസുധ.

28ന് 11.30ന് കളമെഴുത്തുംപാട്ട്, വൈകിട്ട് അരങ്ങിൽ ഡോ.കാനം ശങ്കരപ്പിള്ള, ഡോ.ടി.എം.ഗോപിനാഥപിള്ള, ഗീതാദേവിയമ്മ എന്നിവർ ദീപം തെളിക്കും തുടർന്ന് വീരനാട്യം, നൃത്താർച്ചന, സംഗീതസന്ധ്യ.

29ന് വൈകിട്ട് അരങ്ങിൽ ഡോ.അശോക് കുമാർ കല്ലാരയിൽ ദീപം തെളിക്കും. തുടർന്ന് വീരനാട്യം, ഫ്യൂഷൻ ഡാൻസ്, ക്ലാസിക്കൽ ഡാൻസ്, കരോക്കെ ഗാനമേള.

30ന് 9.30ന് സത്യസായി ഭജൻസിന്റെ ഭജന, 11.30ന് ഉത്സവബലിദർശനം, ഉത്സവബലി സദ്യ. വൈകിട്ട് അരങ്ങിൽ പി.രവീന്ദ്രൻ പുന്നാംപറമ്പിൽ, എസ്.എസ്.രവീന്ദ്രൻപി ള്ള എന്നിവർ ദീപം തെളിക്കും. തുടർന്ന് തിരുവാതിര, 7.15ന് കോഴിക്കോട് ശ്രീനിവാസന്റെ നേത്യത്വത്തിൽ തെയ്യം.

31ന് : വൈകിട്ട് ആറിന് വടക്കുംഭാഗം വേലകളി സംഘത്തിന്റെ തിരുമുൻപിൽ വേല, 6.30ന് അരങ്ങിൽ ഗവ.ചീഫ് വിപ്പ് എൻ.ജയരാജ് ദീപം തെളിക്കും.ജയറാം ശിവറാമിനെ ആദരി ക്കും. തുടർന്ന് ഭക്തിഗാനസുധ, പൂഞ്ഞാർ ഭരതകലയുടെ നൃത്ത നാടകം മീരാനന്ദനം, രാത്രി 10ന് പള്ളിവേട്ട,

ജനുവരി ഒന്നിന് വൈകിട്ട് അഞ്ചിന് ആറാട്ട് എഴുന്നള്ളത്ത്, 6.30ന് ആറാട്ട്. അരങ്ങിൽ സൂരജ് ലാലിന്റെ സംഗീത സദസ്സ്. തുടർന്ന് രഥോത്സവവും ആറാട്ട് എഴുന്നള്ളിപ്പും നടക്കുമെന്ന് ദേവസ്വം ഭാരവാഹികളായ എൻ.പി.ശ്രീകുമാർ, പി.ജി.രാജു, ഷൈൻ എസ്.പിള്ള എന്നിവർ അറിയിച്ചു.