ഏഴു വയസുകാരന്‍ കിണറ്റില്‍ വീണു മരിച്ചു
കാഞ്ഞിരപ്പള്ളി : ഇടക്കുന്നം പുത്തന്‍പ്ലാക്കല്‍ നിസാറിന്റെ മകന്‍ സഫാന്‍ എരുമേലി മണിപ്പുഴയില്‍ മാതാവിന്റെ വീട്ടിൽ എത്തിയപ്പോൾ, കളിക്കുന്നതിനിടയിൽ അബദ്ധത്തിൽ അടുത്തവീട്ടിലെ കിണറ്റിൽ തെന്നി വീണു മരിച്ചു. ബുധനാഴ്ച്ച രാവിലെ 11 മണിയോടെയാണ് അപകടം നടന്നത്.
കുട്ടികള്‍ കളിക്കുന്നതിനിടയില്‍ വീടിന്റെ പിന്‍ഭാഗത്തുള്ള മോഹനന്‍ എന്നയാളുടെ പുരയിടത്തിലെ കിണറ്റില്‍ വീഴുകയായിരുന്നു. കിണറിന് ചുറ്റുമതില്‍ കെട്ടിയിട്ടില്ല. സാരികൊണ്ട് മുകള്‍ഭാഗം മറച്ചിരിക്കുകയാണ്. അപകടം നടന്നയുടന്‍ ഓടിക്കൂടിയവരിൽ ചിലർ കിണറ്റിൽ ഇറങ്ങാന്‍ ശ്രമിച്ചെങ്കിലും ആഴമുള്ളതിനാല്‍ വിഫലമായി. പിന്നീട് സമീപവാസിയിറങ്ങി കരയ്‌ക്കെത്തിച്ച് ആശുപത്രിയിലേക്ക് കൊണ്ടുപോയെങ്കിലും ജീവൻ രക്ഷിക്കുവായില്ല .
മാതാവ് :അജീന (എരുമേലി മണിപ്പുഴ തട്ടാംപറമ്പിൽ കുടുംബാഗം)
സഹോദരൻ : സവാദ്, സഹോദരി : ഹൗല
ഖബറടക്കം ഇടക്കുന്നം ജുമാ മസ്ജിദ് ഖബർസ്ഥാനിൽ