അകക്കണ്ണിന്റെ വെളിച്ചത്തിൽ വിധിയെ പൊരുതി തോൽപ്പിച്ച് ഉന്നത വിജയം നേടിയ ആകാശിനെയും ആദിത്യനെയും ആദരിച്ചു.

പൊൻകുന്നം : അകക്കണ്ണിന്റെ വെളിച്ചത്തിൽ എസ്. എസ്. എൽ. സി പരീക്ഷയിൽ മികച്ച വിജയം നേടിയ ജന്മനാ കാഴ്ച ശക്തിയില്ലാത്ത പായിക്കാട്ട് ബിജ്ജുവിന്റെ മക്കളായ ആകാശിനെയും,ആദിത്യനെയും യൂത്ത് കോൺഗ്രസ് ചിറക്കടവ് മണ്ഡലം കമ്മിറ്റി ആദരിച്ചു. ആന്റോ ആന്റണി എം. പി കുട്ടികളുടെ വീട്ടിലെത്തി ഉപഹാരം നൽകി ആദരിച്ചു.

ബ്ലോക്ക് കോൺഗ്രസ് പ്രസിഡൻറ് അഭിലാഷ് ചന്ദ്രൻ, മണ്ഡലം പ്രസിഡൻറ് ജയകുമാർ കുറിഞ്ഞിയിൽ,സംസ്ക്കാര സാഹിതി ചെയർമാൻ സേവൃർ മൂലകുന്ന്, യൂത്തുകോൺഗ്രസ് മണ്ഡലം പ്രസിഡൻറ് അനന്തകൃഷ്ണൻ, ടിൻ്റു തോമസ്സ്, ശ്യാം ബാബു, അരവിന്ദ് ബി നായർ, എസ്.ആകാശ്, അർസജ്ജുൻ പള്ളം പങ്കെടുത്തു.