സ്കൂൾ വാർഷികാഘോഷം
കാഞ്ഞിരപ്പള്ളി: ഗവൺമെന്‍റ് ടെക്‌നിക്കല്‍ ഹൈസ്‌കൂൾ വാര്‍ഷികാഘോഷം ചീഫ് വിപ്പ് ഡോ. എന്‍. ജയരാജ് ഉദ്ഘാടനം ചെയ്തു. സംസ്ഥാന ടെക്‌നിക്കല്‍ ഹൈസ്‌കൂള്‍ കലാ-കായിക, ശാസ്ത്ര മത്സരങ്ങളില്‍ ഉന്നതവിജയം കൈവരിച്ച വിദ്യാർഥികള്‍ക്കുള്ള അവാര്‍ഡ് ദാനവും ചീഫ് വിപ്പ് നിർവഹിച്ചു. കാഞ്ഞിരപ്പള്ളി പഞ്ചായത്ത് വൈസ് പ്രസിഡന്റ് റോസമ്മ തോമസ് അധ്യക്ഷത വഹിച്ചു. സെബാസ്റ്റ്യന്‍ കുളത്തുങ്കല്‍ എംഎല്‍എ മുഖ്യപ്രഭാഷണം നടത്തി. ജില്ലാ പഞ്ചായത്ത് മെംബര്‍ ജെസി ഷാജന്‍, പഞ്ചായത്ത് മെംബര്‍ ശ്യാമള ഗംഗാധരന്‍, സ്‌കൂള്‍ സൂപ്രണ്ട് മാത്യു ഉമ്മന്‍, പിടിഎ പ്രസിഡന്റ് രഞ്ജു തോമസ്, അരുണ്‍ മോഹന്‍ എന്നിവര്‍ പ്രസംഗിച്ചു. തുടര്‍ന്ന് വിദ്യാർഥികളുടെ കലാപരിപാടികള്‍ നടത്തി.
തമ്പലക്കാട്: ഗവൺമെന്‍റ് എൽപി സ്കൂൾ വാർഷികാഘോഷം പഞ്ചായത്ത് പ്രസിഡന്റ് കെ.ആർ. തങ്കപ്പൻ ഉദ്ഘാടനം ചെയ്തു. പഞ്ചായത്തംഗം അമ്പിളി ഉണ്ണികൃഷ്ണൻ അധ്യക്ഷത വഹിച്ചു. ഹെഡ്മിസ്ട്രസ് ജാൻസിയമ്മ ജോസ്, ഡിഇഒ എം. റസീന, ഡോ. സ്മിത ശങ്കർ, എഇഒ പി.എച്ച്. ഷൈലജ, ബ്ലോക്ക് പഞ്ചായത്തംഗം വിമല ജോസഫ്, വി.എം. അജാസ്, പഞ്ചായത്തഗംങ്ങളായ അൻഷാദ്, ബേബി വട്ടക്കാട്ട്, രാജു തേക്കുംതോട്ടം എന്നിവർ പ്രസംഗിച്ചു.