അഖിലകേരള വടംവലി മത്സരം 26ന്
കാഞ്ഞിരപ്പള്ളി: ചേനപ്പാടി സംയുക്ത ടിംബർ യൂണിയനുകളും പൗരാവലിയും ചേർന്ന് സംഘടിപ്പിക്കുന്ന പ്രഥമ അഖിലകേരള വടംവലി മത്സരം 26ന് വൈകുന്നേരം അഞ്ചിനു ചേനപ്പാടി മാടപ്പാട്ട് സ്റ്റേഡിയത്തിൽ നടക്കും. കാഞ്ഞിരപ്പള്ളി ഡിവൈഎസ്പി അനിൽകുമാർ ഉദ്ഘാടനം ചെയ്യും. ചെയർമാൻ ടി.പി. രാധാകൃഷ്ണൻ നായർ അധ്യക്ഷത വഹിക്കും.
എരുമേലി പഞ്ചായത്ത് പ്രസിഡന്‍റ് തങ്കമ്മ ജോർജുകുട്ടി മുഖ്യാതിഥിയായിരിക്കും. ജനറൽ കൺവീനർ നിഷാദ് സുലൈമാൻ, പൊതുവിദ്യാഭ്യാസം മുൻ ഇന്ത്യൻ സ്കൂൾ ടീം സെലക്‌ഷൻ കമ്മിറ്റി ചെയർമാൻ ചാക്കോ ജോസഫ് ഒറ്റപ്ലാക്കൽ, വാർഡ് മെംബർമാരായ എ.ആർ. രാജപ്പൻ നായർ, ടി.വി. ഹർഷകുമാർ, പി.കെ. തുളസി തുടങ്ങിയവർ പ്രസംഗിക്കും. വിജയികൾക്കു യഥാക്രമം 15001, 12001, 10001, 8001 രൂപ കാഷ് അവാർഡും എവർ റോളിംഗ് ട്രോഫിയും നൽകും. രജിസ്ട്രേഷൻ ഫീസ് 300 രൂപ.