മുഖ്യമന്ത്രിയുടെ അകമ്പടി വാഹനമിടിച്ച് കാർ യാത്രികർക്ക് പരിക്ക്.

മണിമല : കറിക്കാട്ടൂരിൽ വച്ച് മുഖ്യമന്ത്രിയുടെ അകമ്പടി വാഹനമായെത്തിയ ആംബുലൻസ് ഇടിച്ച് കാർ യാത്രികരായ അഞ്ചുപേർക്ക് പരിക്ക്. കരിമ്പനക്കുളത്ത് ഞായറാഴ്ച വൈകിട്ട് അഞ്ചേമുക്കാലോടെയാണ് അപകടം സംഭവിച്ചത്. ആരുടെയും പരുക്ക് സാരമുള്ളതല്ല. എറണാകുളം കടവന്ത്രയിൽ വച്ച് നടന്ന മുഖാമുഖം പരിപാടിയിൽ സംബന്ധിച്ച ശേഷം തിരികെ പോയ മുഖ്യമന്ത്രിയ്ക്ക് അകമ്പടിയായി പോയ വാഹന വ്യൂഹത്തിൽ ഉണ്ടായിരുന്ന ആംബുലൻസ് ആണ് അപകടത്തിൽ പെട്ടത് .

നെടുംകുന്നം പാഴൂർ തോമസ് മാത്യു ,ഭാര്യ മിനി ,മിനിയുടെ സഹോദരി റാണിമോൾ ,റാണിയുടെ മക്കളായ ഇവാൻ ,ജുവൽ മരിയ എന്നിവർക്കാണ് പരിക്കേറ്റത്. പരിക്കേറ്റവരെ കാഞ്ഞിരപ്പള്ളി മേരി ക്യുൻസ് ആശുപത്രിയിൽ പ്രവേശിപ്പിച്ചു .
മണിമലയിലെ ബന്ധുവീട്ടിൽ സന്ദർശനത്തിന് ശേഷം തിരികെ വീട്ടിലേക്ക് പോയ വഴിക്കാണ്‌ കാർ അപകടത്തിൽ പെട്ടത് .