കാഞ്ഞിരപ്പള്ളി മണ്ഡലത്തിൽ UDF രണ്ടാം ഘട്ടം പ്രചരണം ശനിയാഴ്ച മുതൽ ആരംഭിക്കും

കാഞ്ഞിരപ്പള്ളി : യു.ഡി.എഫ് സ്ഥാനാർത്ഥി ആന്റോ ആന്റണിയുടെ രണ്ടാം ഘട്ട പ്രചരണ പരിപാടികളുടെ ഭാഗമായുള്ള വിപുലമായ യു.ഡി.എഫ് മണ്ഡലം കൺവെൻഷനുകൾ വെള്ളിയാഴ്ച മുതൽ ആരംഭിക്കും. കങ്ങഴ മണ്ഡലം കൺവെൻഷൻ വെള്ളി 3.30 ന് പഞ്ചായത്ത് കമ്മ്യൂണിറ്റി ഹാളിൽ ചേരും. ശനിയാഴ്ച വൈകിട്ട് അഞ്ചിന് വെള്ളാവൂർ മണ്ഡലം കൺവെൻഷൻ പടിയറ സ്കൂളിലും,നെടുംകുന്നം മണ്ഡലം കൺവെൻഷൻ 5 മണിക്ക് കോൺഗ്രസ് ഓഫീസിലും,പള്ളിക്കത്തോട് മണ്ഡലം കൺവെൻഷൻ 5.15 മണിക്ക് ബസ് സ്റ്റാൻഡ് ജംഗ്ഷനിലും ചേരും. എഴിന് രാവിലെ 11 മണിക്ക് കാഞ്ഞിരപ്പള്ളി മണ്ഡലം കൺവെൻഷൻ വ്യാപാരി ഭവനിലും,വാഴൂർ മണ്ഡലം കൺവെൻഷൻ 3.30ന് പഞ്ചായത്ത് കമ്മ്യൂണിറ്റി ഹാളിലും, മണിമല മണ്ഡലം കൺവെൻഷൻ 4 മണിക്ക് സഹകരണ ബാങ്ക് ഓഡിറ്റോറിയത്തിലും,ചിറക്കടവ് മണ്ഡലം കൺവെൻഷൻ 4.30 ന് പൊൻകുന്നം സെൻട്രൽ ഇലക്ഷൻ കമ്മറ്റി ഓഫീസിലും,കറുകച്ചാൽ മണ്ഡലം കൺവെൻഷൻ 5 മണിക്ക് റബർ മാർക്കറ്റിംഗ് സൊസൈറ്റി ഹാളിലും ചേരും.

കൺവൻഷന് ശേഷം രണ്ടാംഘട്ട ഭവന സന്ദർശനം ആരംഭിക്കും.കഴിഞ്ഞ 15 വർഷക്കാലം എം.പി എന്ന നിലയിൽ നിയോജക മണ്ഡലത്തിൽ നടത്തിയ വികസന പ്രവർത്തനങ്ങളുടെ സംക്ഷിപ്തം ‘വാസ്തവം ബോധ്യപ്പെടുമ്പോൾ’ എന്നേ പേരിൽ ലഘുലേഖയായി വിതരണം ചെയ്യും. മൂന്നാം ഘട്ടത്തിൽ വിപുലമായ കുടുംബ സംഗമങ്ങൾ നടത്തും. നാലാം ഘട്ടത്തിൽ സ്ഥാനാർത്ഥിയുടെ നിയോജക മണ്ഡലം പര്യടനവും യുവജന സംഘടനകളുടെ നേതൃത്വത്തിൽ റോഡ് ഷോയും നടത്തുമെന്ന് യു.ഡി.എഫ് നിയോജകമണ്ഡലം നേതൃയോഗം അറിയിച്ചു.

ചെയർമാൻ സി.വി തോമസുകുട്ടിയുടെ അധ്യക്ഷതയിൽ കൺവീനർ ജിജി അഞ്ചാനി , യു.ഡി. എഫ് നേതാക്കളായ, അഡ്വ. പി.സതീഷ് ചന്ദ്രൻ നായർ, തോമസ് കുന്നപ്പള്ളി, അഡ്വ.പി.എ.ഷെമീർ, ടി.കെ.സുരേഷ് കുമാർ, വി.എസ്. അജ്മൽ ഖാൻ,അഡ്വ.പി.ജീരാജ്, മനോജ് തോമസ് , മുണ്ടക്കയം സോമൻ,പി.പി.ഇസ്മായിൽ,ജോ പായിക്കാട്ട് , ബാബു ജോസഫ്, പി.എം.സലിം, അബ്ദുൽ കരീം മുസലിയാർ,അഡ്വ.അഭിലാഷ് ചന്ദ്രൻ, രവി.വി.സോമൻ, ലൂസി ജോർജ്ജ് , സേവ്യർ മൂലകുന്ന്, ബിജു പത്യാല, റോബിൻ വെള്ളാപ്പള്ളി, രാഗിണി അനിൽ, ജോജി മാത്യു,ജോൺസൺ ഇടത്തിനകം, സനോജ് പനക്കൽ, ജോയി മുണ്ടാ മ്പള്ളി, ലാജി മാടത്താനികുന്നേൽ, സുനിൽ മാത്യു , ടി.കെ. ബാബുരാജ്, ജയകുമാർ കുറിഞ്ഞിയിൽ എന്നിവർ പ്രസംഗിച്ചു .