സെന്റ് ആന്റണീസ്‌ പബ്ലിക്‌ സ്‌കൂളിൽ സത്യപ്രതിജ്ഞാ ചടങ്ങും വിവിധ ക്ലബ്ബുകളുടെ ഉദ്‌ഘാടനവും..
കാഞ്ഞിരപ്പള്ളി: ആനക്കല്ല്‌ സെന്റ് ആന്റണീസ്‌ പബ്ലിക്‌ സ്‌കൂളിലെ പാര്‍ലമെന്റ്‌ അംഗങ്ങളുടെ സത്യപ്രതിജ്ഞാ ചടങ്ങും വിവിധ ക്ലബ്ബുകളുടെ ഉദ്‌ഘാടനവും കേരള ഗവണ്‍മെന്റ്‌ യൂത്ത്‌ കമ്മീഷന്‍ മെമ്പറും പൂര്‍വ്വവിദ്യാര്‍ത്ഥിയുമായ അഡ്വ. അബേഷ്‌ അലോഷ്യസ്‌ നിര്‍വ്വഹിച്ചു. സാമൂഹ്യ പ്രതിബദ്ധതയുള്ളവരായി വളര്‍ന്നു വരണമെന്ന്‌ അദ്ദേഹം വിദ്യാര്‍ത്ഥികളോട്‌ പറഞ്ഞു.
വൈസ്‌ പ്രിന്‍സിപ്പല്‍ ഫാ. ഷിജു കണ്ടപ്ലാക്കല്‍ അധ്യക്ഷ പ്രസംഗം നടത്തി. പ്രിന്‍സിപ്പാൾ ഫാ. ആന്റണി തോക്കനാട്ട്‌ സത്യപ്രതിജ്ഞാ ചടങ്ങിന്‌ തിരിതെളിച്ചു. സമ്മേളനത്തില്‍ അധ്യാപകനായ ജിബിന്‍ ഇ.എസ്‌., സ്‌കൂള്‍ ക്യാപ്‌റ്റന്‍ ഇവാന റോസ്‌ ചെറിയാന്‍, വൈസ്‌ ക്യാപ്‌റ്റന്‍ ഫിദ അനീഷ്‌ എന്നിവര്‍ പ്രസംഗിച്ചു.