ചിറക്കടവ് പഞ്ചായത്തിൽ ഞാറ്റുവേലച്ചന്ത തുടങ്ങി

ചിറക്കടവ് ∙ പഞ്ചായത്തിൽ കർഷക സഭയുടെയും ഞാറ്റുവേലച്ചന്തയുടെയും പഞ്ചായത്ത് തല ഉദ്ഘാടനം പഞ്ചായത്ത് പ്രസിഡന്റ് സി.ആർ.ശ്രീകുമാർ നിർവഹിച്ചു. പഞ്ചായത്ത് വൈസ് പ്രസിഡന്റ് സതി സുരേന്ദ്രൻ അധ്യക്ഷത വഹിച്ചു.

പഞ്ചായത്ത് സ്റ്റാൻഡിങ് കമ്മിറ്റി ചെയർമാൻമാരായ സുമേഷ് ആൻഡ്രൂസ്, ആന്റണി മാർട്ടിൻ, ആറാം വാർഡംഗം കെ.ജി.രാജേഷ് ബ്ലോക്ക് പഞ്ചായത്തംഗങ്ങളായ, ബി.രവീന്ദ്രൻ നായർ, മിനി സേതുനാഥ്, കൃഷി ഓഫിസർ ടി.ആർ.സ്വപ്ന, കൃഷി അസിസ്റ്റന്റ് ശ്രീജ മോഹൻ എന്നിവർ പ്രസംഗിച്ചു. തെങ്ങിൻ തൈകൾ, പച്ചക്കറി തൈകൾ, തുടങ്ങി വിവിധ തരം നടീൽ വസ്തുക്കളും വിത്തുകളും വിതരണം ചെയ്തു