ചെറുപുഷ്പ മിഷൻ ലീഗ് സ്ഥാപക നേതാവ് കുഞ്ഞേട്ടന്റെ ചരമവാർഷികം ആചരിച്ച് മിഷൻലീഗ്
ചെമ്മലമറ്റം ∙ ചെറുപുഷ്പ മിഷൻ ലീഗ് സ്ഥാപക നേതാവ് പി.സി.ഏബ്രഹാം പല്ലാട്ടുകുന്നേലിന്റെ (കുഞ്ഞേട്ടൻ)15ാം ചരമ വാർഷികം മിഷൻ ലീഗ് സംസ്ഥാന സമിതി ചെമ്മലമറ്റത്തു നടത്തി.
അനുസ്മരണ സമ്മേളനം കോട്ടയം അതിരൂപത സഹായ മെത്രാൻ ഗീവർഗീസ് മാർ അപ്രേം ഉദ്ഘാടനം ചെയ്തു. കുഞ്ഞേട്ടൻ പുരസ്കാരം ജോൺസൺ കാഞ്ഞിരങ്ങാടിന് ബിഷപ് സമ്മാനിച്ചു. മിഷൻ ലീഗ് സംസ്ഥാന പ്രസിഡന്റ് രഞ്ജിത് മുതുപ്ലാക്കൽ അധ്യക്ഷത വഹിച്ചു. സംസ്ഥാന ഡയറക്ടർ ഫാ. ഷിജു ഐക്കരക്കാനായിൽ, രൂപത ഡയറക്ടർ ഫാ.ഡോ.വർഗീസ് ഞാറക്കുന്നേൽ, സംസ്ഥാന ഓർഗനൈസർ തോമസ് അടുപ്പുകല്ലുങ്കൽ, ഫാ. ജോസ് പ്രകാശ് മണ്ണൂരെട്ടൊന്നേൽ, രൂപതാ പ്രസിഡന്റ് ജോബിൻ തട്ടാപറമ്പിൽ, ചെമ്മലമറ്റം പള്ളി വികാരി ഫാ.സെബാസ്റ്റ്യൻ കൊല്ലംപറമ്പിൽ, ഫാ. തോമസ് കട്ടിപ്പറമ്പിൽ, സിസ്റ്റർ എൽസൻ, ആൽബി ആന്റോ വെമ്പിൽ, വിവിധ രൂപതകളിൽ നിന്നുള്ള ഡയറക്ടർമാർ എന്നിവർ പ്രസംഗിച്ചു.